УИХ-ын гишүүн Б.Дэлгэрсайханы хүмүүс Дорноговь аймгийн Босоо хөх Монгол салбар зөвлөлийн тэргүүн О.Хэрлэнд гар буу тулган хүч хэрэглэж, амь насанд нь заналхийлсэн гэх мэдээлэл цацагдсан.

Уг асуудалтай хогбогдуулан тус төрийн бус байгууллагын тэргүүн Г.Ганхуяг “Б.Дэлгэрсайхан гэдэг хүн Дорноговь аймагт өөрийн ноёрхлоо тогтоож. Манайхаас тус бүс нутагт үйл ажиллагаа явуулдаг уурхайдад санамж бичиг өгч, мэргэжлийн хяналтын байгууллагаар шалгуулсан. Тэр хүний хүмүүс биднийг дарамталсан. Бид цуглуулсан баримтуудаа шүүх дээр дэлгэнэ гэсэн. Тэгэхэд  цагдаагаар шалгуул гэсэн” гэсэн гэв. Харин Дорноговь аймгийн Босоо хөх Монгол салбар зөвлөлийн тэргүүн О.Хэрлэн “Найзынхаа хамт гэрээсээ гарах үед зэргэлдээ зогсож байсан автомашин дотроос нэг хүн “Ойр хавьд аятайхан ямар буудал байна” гэж асуусан. Би хэлж өгөхөд “Арын суудалд байгаа хүнд хэлээд өг” гэсэн. Гэтэл цонхоор нь нохой үсэрч гарч ирээд намайг хазсан. Энэ үед надаас эхэлж зам асуусан хүн гар буутай бууж ирээд сүрдүүлсэн. Би айсан учраас шууд гэртээ орсон” хэмээжээ.