Монгол Улсын Ерөнхийлөгчийн зарлигаар Зэвсэгт хүчний Жанжин штабын даргаар хошууч генерал А.Ганбат томилогдоод зургаан сар болж байна. Гэвч тэрбээр эрүүл мэндийн шалтгаанаар үүрэгт ажлаа өгөхөөр болсон байна. Тодруулбал, өнгөрөгч долоо хоногт Ерөнхийлөгчийн Тамгын газарт эрүүл мэндийн шалтгаанаар үүрэгт ажлаа хүлээлгэж өгөх өргөдлөө өгчээ. Энэ талаар хошууч генерал А.Ганбат “Миний бие удаан хугацаагаар эмчилгээ хийлгэх шаардлагатай болсон тул ийнхүү ажлаа өгөхөөр өргөдлөө өгсөн. Төрийн ажлыг удаан зогсоож болохгүй учир гэнэт шийдвэр гаргалаа. Зэвсэгт хүчний жанжин штаб болон нийт ажилчид зэвсэгт дайчдаасаа уучлал хүсье” гэжээ.