Өнгөрсөн нэгдүгээр сард Дорноговь аймгийн Зүүнбаян дахь 336 дугаар цэргийн ангид алба хааж байсан байлдагч А амь насаа алдсан хэрэг гарсан.

Тэгвэл уг хэрэгт холбогдогчдод 6 сараас 5 хүртэлх жилийн ял шүүхээс оноожээ. Тухайлбал, уг хэрэгт Р.Вандлхангаа, П.Бадамсамбуу, А.Энхбаяр нарыг холбогдогчоор татсан. Тэдэнд холбогдох шүүх хурал өчигдөр болж, шүүгдэгч Р.Вандлхангаад Эрүүгийн хуулийн 28.3 дугаар зүйлийн 1, 10.6 дугаар зүйлийн 1 дэх хэсэгт зааснаар 5 жил, П.Бадамсамбууд тус хуулийн 28.3 дугаар зүйлийн 1 дэх хэсэгт зааснаар 6 сар, А.Энхбаярт эрүүгийн хуулийн тусгай ангийн 28.3 зүйлийн 1, 10.6 дугаар зүйлийн 1 дэх хэсэгт зааснаар 5 жилийн хорих ял тус тус оноожээ.