Өнгөрсөн амралтын өдрүүдэд Тээврийн цагдаагийн алба нийт 594 дуудлага мэдээлэл хүлээн авснаас 439 зам тээврийн ослын шинжтэй дуудлага мэдээлэл бүртгэгджээ.
Бүртгэгдсэн зам тээврийн ослын улмаас 45 хүн гэмтэж бэртсэний зургаан хүүхэд, ноцтой зам тээврийн ослын улмаас нийслэлд найм, орон нутаг хоёр хүний амь нас хохирсон байна.
Тухайлбал, энэ сарын 19-ний өдрийн 11.25 цагийн орчимд Сонгинохайрхан дүүргийн 22 дугаар хороо Ар гүнтийн замд “Хууль Сахиулахын Их Сургууль”-ийн Hyundai Aero town маркийн автобус онхолдож зорчигч Г, У, Б, А, З, Ц, Т нарын 7 хүн нас барж, зорчигч 31 хүн гэмтсэн.
Мөн өдрийн 17.30 цагийн орчимд Дундговь аймгийн Дэрэн сумын IV баг “Гучин” гэх газар шороон замд улсын дугааргүй Dayun маркийн мотоцикл онхолдож, жолооч Х нас барсан байна.
Иймд хөдөлгөөнд оролцож буй нийт жолооч нар өөрсдийн болон бусдын аюулгүй байдал, гарч болзошгүй осол хэргээс урьдчилан сэргийлэхийн тулд тээврийн хэрэгслийн бүрэн бүтэн байдлыг хангах, зуны дугуйтай хөдөлгөөнд оролцохгүй байхыг анхааруулж байна.
Тээврийн цагдаагийн алба
Сэтгэгдэл (2)