Аэробик гимнастикийн насанд хүрэгчдийн 29 дэх удаагийн улсын аварга шалгаруулах “Өсвөр үеийн ганцаарчилсан төрлийн тэмцээн” энэ сарын 21-ний өдөр боллоо.

Уг тэмцээнд төв, орон нутгаас шалгарсан 12 багийн 130 гаруй тамирчид аваргын төлөө авьяас билэг, хүч чадал, техник ур чадвараа сорин өрсөлдөв.

Тэмцээний нээлтэд Монголын Гимнастикийн Холбооны Ерөнхий нарийн бичгийн дарга, Аэробик гимнастикийн ОУХМастер, Олон Улсын шүүгч Г.Ерөөлбат, Монголын Гимнастикийн Холбооны Удирдах зөвлөлийн гишүүн, Аэробик гимнастикийн техникийн хорооны дарга, ОУХМастер, Олон Улсын шүүгч Б.Оюун, Ахмад багш, Спортын матер С.Тунгалаг, ОУХМастер Ш.Оюунчимэг нар оролцлоо.

Аэробик гимнастикийн техникийн хорооны нэрэмжит “Өсвөр үеийн ганцаарчилсан төрлийн тэмцээн”-ийг 6-8 нас,  9-11 нас,  12-14 нас гурван насны ангиллаар зохион байгууллаа.

Тухайлбал, 6-8 насны ганцаарчилсан эмэгтэй төрлийн тэргүүн байрт Хан Ихээ 15.450 оноо Лайт клуб, хоёрдугаар байрт, Б.Долгион 15.350 оноогоор, удаах байрт М.Монголжин 14.700 оноогоор тус тус эзэллээ.

Ганцаарчилсан эрэгтэй төрөлд Ц.Билгүүн 15.400 оноогоор нэгдүгээр байр, Т.Тулга 15.250 оноо, Б.Дөлгөөн 14.450 оноогоор тус тус шалгарлаа.

Тэмцээний 9-11 насны ангиллын ганцаарчилсан эмэгтэй төрлийн тэргүүн байранд М.Хүслэн 16.350 оноо, З.Мишээл 16.300 оноо, Т.Эгшиглэн 16.200 оноогоор удаалав. Харин ганцаарчилсан эрэгтэй төрөлд Б.Төгсхавар 16.950 оноогоор тэргүүлж, 12-14 насны ганцаарчилсан эмэгтэй төрөлд Б.Энхтөгс 18.200 оноогоор тэргүүлж, Э.Оюумаа 17.800 оноогоор удаалж, Б.Саруул 17.500 оноо гутгаар байр тус тус эзэлсэн юм.