ҮСХ-оос Монголын Математикийн багш нарын академитай хамтран математик, статистик загварчлалын улсын хоёрдугаар уралдааныг зарлаж байна.

““Үдийн хоол 2020”- Юу идэх вэ? Илчлэг үү? Шим тэжээл үү?” сэдэвт уралдаанд ерөнхий боловсролын ахлах ангийн буюу X-XII ангийн сурагчид оролцох юм. Уралдаанд багаар оролцох бөгөөд баг нь тухайн сургуулийн X-XII ангийн 3-5 хүртэлх тооны сурагч болон нэг багшаас (тухайн сургуулийн) бүрдэнэ. Ингэхдээ нэг сургуулиас оролцох багийн тоонд хязгааргүй аж.

Уг сургалт нь Ерөнхий боловсролын сургуулийн X-XII ангийн сурагчдын бодит амьдралд тулгамдаж буй асуудлыг статистикийн мэдээлэлд тулгуурлан математик, статистикийн арга техникийг ашиглан шийдвэрлэх, судалгаа хийх, илтгэл бичих, дүн шинжилгээ хийх чадавхийг хөгжүүлэх зорилготой юм.

Багууд өөрсдийн бүтээлийг энэ сарын 29-ний өдрийн 16.00 цагаас өмнө math.setguul@gmail.com хаягаар ирүүлэх шаардлагатай.

Бүтээлээ илгээхийн өмнө бүртгэлийн маягтыг www.mat.mn болон www.facebook.com/math.setguul хуудаснаас авч бөглөн math.setguul@gmail.com хаягаар ирүүлээрэй.

Үндэсний статистикийн хороо