Өнгөрсөн есдүгээр сарын 25-аас эхлэн хэрэгжиж эхэлсэн “Дураараа биш ээ дүрмээрээ” аяны хүрээнд зам тээврийн осол улсын хэмжээнд гарсан гэмт хэрэг 16.3 хувь буурсан үзүүлэлттэй гарчээ. Мөн нас барсан хүн 22.2 хувь, гэмтсэн хүн 22.4 хувь, нийслэлд гарсан гэмт хэрэг 24.5 хувь, орон нутагт гарсан гэмт хэрэг долоон хувиар тус тус буурсан байна.

Тэгвэл Цагдаагийн Ерөнхий газраас зам тээврийн осол гэмтлийг бууруулах, урьдчилан сэргийлэх зорилгоор өмнө нь зохион байгуулсан “Яараад яах вэ дээ” аяны хүрээнд зам тээврийн гэмт хэрэг 81 нэгжээр буюу  63.9 хувиар,  амь нас нь хохирсон хүн 11 нэгжээр буюу 21.7 хувиар, гэмтсэн хүн 46 нэгжээр буюу 59.5 хувиар  буурсан эерэг үзүүлэлт гарч байсан юм.