Манай улсад сүүлийн үед төрөх үеийн хүндрэлээс үүдсэн нурууны муруйлт өвчин ихсэж байгаа аж.
Энэ өвчлөлийн гол хүндрэл нь хөдөлмөрийн чадвараа алдах юм. Тиймээс өвчнийхөө эсрэг тэмцэж байгаа иргэд нэгдэж цахим хуудас нээж, түүгээрээ дамжуулан мэдээллээ солилцож, хаана эмчлэгдэх боломжтой талаар бүхий л боломжит хувилбарыг эрж хайдаг гэсэн. Учир нь манай улсад хийгддэггүй 27 хагалгааны нэг нь энэ юм.
Бид өмнө нь нурууны муруйлт өвчин нь хүндэрсэн Б.Анхзаяа охиныг урьж оролцуулан, түүнийг эдгэхэд сайн санаат монголчуудыгаа туслахыг уриалж байсан. Харин энэ удаа О.Сарангэрэл бүсгүйг онцолж байна.
Тэрбээр 24 настай бөгөөд төрөхийн хүндрэлээс үүсэн өвчлөл нь хүндэрч зүрх, уушгиндаа нөлөөлж эхэлжээ. Улмаар хөдөлмөрийн чадвараа бүрэн алдана гэсэн үг юм. Турк улсад хийдэг, энэ чиглэлээр мэргэшсэн хоёр эмч байдаг. Үүний нэг нь “Мемориал” эмнэлгийн сээр нурууны мэс заслын эмч доктор, профессор Онур Яман юм. Тэрбээр өнгөрсөн есдүгээр сард энэ өвчлөлийн улмаас шаналж байгаа олон иргэдтэй уулзаж, зөвлөгөө өгсөн бөгөөд О.Сарангэрлийг яаралтай хагалгаанд орохыг санал болгон ингэхдээ 100 хувь эрсдэлгүй эмчлэгдэх боломжтой гэдгийг хэлжээ.
Хагалгааны зардалд 23080 ам.доллар бөгөөд өөрөөсөө бүрэн санхүүжүүлэх боломжгүй тул ийн тусламж хүссэн нь энэ юм. Уг өвчнөөр шаналж байгаа олон иргэдэд амьдрал хайрлаж, тусалж дэмжихийг уриалж байна.
Холбоо барих утас: 95259583