Нийслэлийн 380 жилийн ойг тэмдэглэн өнгөрүүлэх ажлын хүрээнд Нийслэлийн Засаг даргын Тамгын газар, Улаанбаатар хотын Захирагчийн алба, Нийслэлийн Гэр бүл, хүүхэд, залуучуудын хөгжлийн газар хамтран “Хүүхэд, гэр бүлд ээлтэй” байгууллага, үйлчилгээг шалгарууллаа.

Арга хэмжээнд Нийслэлийн нутаг дэвсгэрт үйл ажиллагаа явуулж буй аж ахуйн нэгж байгууллага, сургууль, цэцэрлэг, ресторан /хоол үйлдвэрлэл, үйлчилгээний газрууд/, худалдаа үйлчилгээний төв, галт тэрэг, онгоцны буудал, банк, үзвэр үйлчилгээний газруудыг хамруулж, дараах есөн номинациар шалгаруулсан юм.

Тухайлбал, хүүхэд, гэр бүлд ээлтэй дүүргээр Чингэлтэй дүүрэг шалгарсан бол хүүхэд, гэр бүлд ээлтэй хороогоор Сүхбаатар дүүрэг нэрлэгдлээ. Мөн хүүхэд, гэр бүлд ээлтэй сургуулиар Сүхбаатар дүүргийн 11 дүгээр сургууль, хүүхэд, гэр бүлд ээлтэй цэцэрлэгээр Сонгинохайрхан дүүргийн 112 дугаар цэцэрлэг, Баянзүрх дүүргийн 122 дугаар цэцэрлэг, алайх дүүргийн 123 дугаар цэцэрлэг тодров.

Харин хүүхэд, гэр бүлд ээлтэй аж ахуй нэгж, байгууллагаар Баянзүрх дүүргийн хүүхдийн эмнэлэг, хүүхэд, гэр бүлд ээлтэй тээврийн үйлчилгээний байгууллагаар Чингис хаан олон улсын  нисэх онгоцны буудал, хүүхэд, гэр бүлд ээлтэй худалдаа, үйлчилгээний байгууллагаар Хан-Уул дүүргийн “ХҮННҮ МОЛЛ” ХХК, хүүхэд, гэр бүлд ээлтэй хоол үйлдвэрлэл, үйлчилгээний байгууллага “Эм Эн Эн Би Эм Холдинг” ХХК, хүүхэд, гэр бүлд ээлтэй олон улсын байгууллагаар Дэлхийн зөн Монгол олон улсын байгууллагын хотын бүс тус тус шалгарлаа.