Шинэ жилийн баяраар бяцхан үрсүүддээ бэлэг бэлэглэж баярлуулахыг эцэг, эхчүүд бүгд хүсэмжилдэг. Тэгвэл томуугийн дэгдэлт өмнөх жилийнхээс хэд дахин нэмэгдсэн энэ цаг үед хүүхдийн бэлгэнд чихэр, ундаа зэрэг чихэрлэг зүйлийг агуулахыг байхыг мэргэжлийн байгууллагаас анхааруулжээ. Тухайлбал, жил бүрийн арванхоёрдугаар сард цэцэрлэгийн хүүхдүүд шинэ жилээ хийж, эцэг, эхчүүд нь бэлэг бэлтгэж өгдөг. Тэгвэл бэлгийн уутанд хүүхдийн биед харшил зэрэг ямар нэг гаж нөлөө үзүүлэхээргүй тоглоом, ном товхмол зэргийг хийх ёстойг цэцэрлэгийн эрхлэгч нарт анхааруулжээ. Энэ дагуу эцэг, эхчүүдэд мөн санамжийг хүргүүлээд эхэлсэн байна.

Иймээс мэргэжлийн хяналтын байгууллагаас дараах зөвлөмжийг хүргэж байгаа аж. Үүнд, 

-Хүнсний түүхий эд, бүтээгдэхүүн худалдан авахдаа бүтээгдэхүүн үйлдвэрлэсэн газар, гарал үүсэл тодорхой эсэх, хадгалах болон хэрэглэж дуусах хугацаа хэтэрсэн эсэх, сав, баглаа боодлын бүрэн бүтэн байдлыг шалгаж,  хүүхдийнхээ эрүүл мэндэд үүсч болзошгүй эрсдэлээс урьдчилан сэргийлэх нь чухал юм. Түүнчлэн хүүхдийн насны онцлогт тохирсон бэлэг сонгохоос гадна нөөшилсөн болон лаазалсан бүтээгдэхүүний чанарт онцгой анхаарахыг зөвлөж байна.
-Төрөл бүрийн ундаа, жүүс, компот зэргийн шүүс нь булингартай эсэх, тунадас үүссэн, доторх жимс нь ялзарч муудсан эсэхийг сайтар шалгах,
-Үйлдвэрлэсэн болон дуусах хугацаа, хадгалах нөхцөл, хэрэглэх заавар, тэжээллэг чанар, орц найрлага зэргийг сайн шалгаж авах,
-Ариун цэврийн шаардлага хангаагүй, бохир орчин, гудамж талбайд ил задгай худалдаалж буй хүнсний бүтээгдэхүүн, хүүхдийн бэлгийг худалдан авахгүй байхыг зөвлөж байна. Лаазалсан бүтээгдэхүүний сав нь зэвэрсэн, хонхойж цохигдсон, хий дүүрч таг нь төмбийсэн, дарахад хонхолзож байвал, задалж үзэхэд дээр нь хийн бөмбөлөг үүссэн байвал хэрэглэхээс татгалзаарай.

"Болор дуран"-аар шалгав.

ЧИХЭР