УБТЗ энэ онд 28 сая тонн ачаа тээж өмнөх оныхоо амжилтыг ахиулсан ажилчдаа 13 дахь сарынх нь цалинг 200 хувиар тооцож олгохоор болжээ.

Тодруулбал, энэ онд манай улсын нутгаар дамжин өнгөрсөн чингэлгийн галт тэрэгний тоо 1450 хүрчээ. Энэ мэтээр УБТЗ-ын тээврийн төлөвлөгөөт үзүүлэлтүүд давж биелсэн учраас төмөр замчдынхаа бодит орлогыг нэмэгдүүлэхээр үндсэн цалинг нь 10 хувь нэмснээс гадна 2019 оны жилийн ажлын үр дүнгийн шагналт цалинг нь 200 хувиар тооцож олгохоор болсон нь энэ юм.

Урамшууллыг УБТЗ-д ажилладаг нийт 15 мянга гаруй төмөр замчид авах бөгөөд тус байгууллага гурван жил дараалан ажилчдынрхаа цалинг 10 хувиар өсгөжээ.