Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн аврагчид энэ сарын 20-ний өдрийн 11.25 цагт тус дүүргийн 18 дугаар хорооны нэгдүгээр байрны I орцны нэг тоотод гал гарч байсныг унтрааж, иргэдийн амь нас, эд хөрөнгийг цаг алдалгүй авран хамгаалж чаджээ.

Тодруулбал, тухайн айлд 29 настай иргэн Я.Солонгыг ухаан алдсан байдалтай байхад нь авран гаргаж, анхны тусламж үзүүлсэн байна.

Мөн тус орцны 5 тоотод 33 настай жирэмсэн н.Сүүндарьцэцэг нөхөр гурван хүүхдийн хамт утаанд боогдон биеийн байдал муу байсныг утаажилтын бүсээс гаргаж амь насыг нь авран, эмнэлэгийн байгууллагад хүлээлгэн өгчээ. Гал гарсан орцонд утаа их ялгарч, гарч чадахгүй байсан хүүхэд том хүн нийлсэн 63 иргэнийг утаажилтын бүсээс аварч гаргажээ.