Шинэ төрлийн коронавирусийн халдварын тархалт одоо шийдвэрлэх үедээ ороод байна. Төрийн зөвлөл шинэ төрлийн коронавирусийн халдвараас сэргийлэхийн тулд удирдамжийн зарчим баталж, мэдэгдэл түгээх зэрэг арга хэмжээ авч, иргэдийнхээ сэтгэцийн эрүүл мэндтэй холбогдуулж сэтгэцийн эрүүл мэндийн боловсрол, хямралаас сэргийлэх үйлчилгээ, мөн сэтгэл зүйн туслалцаа үзүүлэх лавлах утасны үйлчилгээ үзүүлэхийг шаардсан юм. Сэтгэлзүйн нийгэмлэгийн клиник сэтгэл судлалын ажлын хорооны дарга, Бээжингийн технологи, үйлдвэрлэлийн их сургуулийн профессор Жя Шяомин манай сэтгүүлчид өгсөн ярилцлагадаа: Сэтгэл санаа тогтвортой, өөртөө итгэлтэй, үйл ажиллагаа зохистой байх нь сэтгэл зүйд маш чухал юм гэжээ.
Хятадын төр засаг шинэ төрлийн коронавирусийн уушгины хатгалгааны халдвараас сэргийлэхийн тулд 1-р сарын 26-нд, "Шинэ төрлийн коронавирусийн халдвараас сэргийлэх сэтгэлзүйн тусламжийн удирдамж" хэвлэн нийтэлж, халдварын түвшнийг үндэслэн иргэдээ 4 зэрэглэлд хуваасан байна. Үүнд шинэ төрлийн коронавирусийн уушгины хатгалгаа авсан өвчтөн, эмч сувилагчдыг нэгдүгээр зэрэглэлд багтааж, эдгээр хүмүүсийн сэтгэл санааны хямралд анхаарал хандуулахыг уриалсан бөгөөд хөл хорионд орогсод, өвчтөний гэр бүл, жирийн иргэдийг тус тус 2, 3, 4-р зэрэглэлд багтаасан байна.
Яагаад иргэдийн сэтгэл санаанд чиглүүлэн сэтгэлзүйн туслалцаа, сэтгэлзүйн зөвлөгөө, сэтгэцийн эрүүл мэндийн боловсрол олгох болсон тухай тэрээр хэлэхдээ:
"Сэтгэлзүйн туслалцаа үзүүлэх ажлыг нам, төрийн нэгдсэн урирдлага дор, сэтгэл зүйн тусламжийг авран туслах ажилтай зэрэг явуулах хэрэгтэй. Харин тусгаарлсан хэрэг биш юм. Засгийн газрын оролцооноос гадна мэргэжлийн баг, ажилтан тусламжийн ажилд оролцох нь чухал. Бид сэтгэлзүйн зөвлөгөө өгөхийн зэрэгцээ сэтгэл зүйн эмчилгээ хийж, шинжлэх ухааны үндэслэлтэй сэтгэл зүйн туслалцаа үзүүлэх болно" гэжээ.
Энэ сарын 2-нд, Хятадын төр засаг шинэ төрлийн коронавирусийн уушгины хатгалгааны халдвараас сэргийлэхийн тулд "Халдварын эсрэг сэтгэл зүйн тусламж үзүүлэх утасны үйлчилгээ нэвтрүүлэх мэдэгдэл" нийтэлж, бүх шатанд хэрэгжүүлж буй арга хэмжээний дээрээс халдварт өвчний эсрэг сэтгэл зүйн тусламж үзүүлэх шууд утасны үйлчилгээ гаргаж, 24 цагийн үнэ төлбөргүй үйлчилгээ үзүүлэхийг шаардсан юм. Үүнтэй холбогдуулан Жя Шяомин хэлэхдээ: Сэтгэл зүйн шууд утасны үйлчилгээ, шууд уулзаж зөвлөгөө өгөх нь ялгаатай байдаг гэжээ.
"Энэ үед утасны үйлчилгээ үзүүлж буй нь хамгийн сайн, аюулгүй сонголт юм. Бид сэтгэл зүйн үйлчилгээг шууд утсаар хүргэж байна. Шууд утасны үйлчилгээг холбогдох байгууллагын удирдлагаар явуулж байна. Холбогдсон бүх хүмүүст шударгаар, автомат сонголтоор үйлчилгээ үзүүлж байна" гэжээ.
Тэрээр хэлэхдээ: Халдвартай тэмцэх сэтгэл зүйн тусламжийн ажил дараах хэдэн зүйлд төвлөрч байна. Нэгдүгээрт, тэдний сэтгэл санааг тогтвортой байлгах, хүмүүс сэтгэл хөдлөл ихтэй үедээ ямар нэгэн дүгнэлт хийхэд хэцүү байдаг. Хоёрдугаарт, өөртөө итгэлтэй байх, итгэлтэй байвал бид хамтдаа ялж чадна. Гуравдугаарт, эрүүл үйл ажиллагаа явуулах, үйл ажиллагаа зүй зохистой байх. Сэтгэл санаагаа тайван байлгах, өөртөө итгэлтэй байх нь бидний сэтгэл зүйн туслалцаа үзүүлэх гол зорилго юм гэжээ.
CCTV.COM
