Ардчилсан оюутны холбооноос коронавирусын халдвартай холбоотой асуудлаар хийгдэж байгаа арга хэмжээний талаар мэдээлэл хийлээ.

Энэ талаар тус холбооны тэргүүн Н.Лхагвадорж “Бид долоо хоногийн өмнө хийсэн  мэдээллээр гаднын орнууд ямар үйл ажиллагаа хэрэгжүүлж байгаа талаар Засгийн газарт мэдээлэл өгч таван санал гарган, нийгэмд гурван уриалга гаргасан. Засгийн газар ямар хариу өгсөн болон үүнтэй холбоотой бусад асуудлаар мэдээлэл өгье.

Амны маскны үнэ долоо хонгийн дотор 25 дахин нэмэгдсэн. Ингээд ШӨХТГ бидний хүргүүлсэн гомдлын дагуу аптекуудаар явж амны маскны үнэ хөөрөгдсөн талаар бидэнтэй санал нэгдсэн. Бидний хийж байгаа мэдээлэл ямар нэгэн улстөржсөн зүйл байхгүй гэдгийг хэлье. ШӨХТГ ажлаа хийсэн баярлалаа.

Хоёрдугаарт, Ухань хотод байга оюутнуудыг яаралтай татаж авах талаар санал өгсөн. Үүнтэй холбоотойгоор Гадаад харилцааны яам өнгөрсөн хагассайнд авчирсан. Гуравдугаарт, бага насны хүүхэдтэй эцэг, эхийг сөөлжүүлэн амраах, цалинтай чөлөө өгөх санал өгсөн. Энэ хүрээнд өнгөрсөн даваа гарагаас эхлэн 0-10 насны хүүхэдтэй эцэг эхийг хүүхэд нь өвдсөн тохиолдолд цалинтай чөлөө олгох зөвлөмжийг албан байгууллагуудад хүргүүлсэн байна.

Залуучууд нийгмийн болохгүй байгаа зүйл дээр дуу хоолойгоо хүргэх ёстой. Энэ ч утгаар гурав дахь саналыг биелүүлсэн байна. Дөрөвдүгээрт, их дээд сургуулийн оюутнуудын замын зардлыг буцааж олгох санал гаргасан. Төрийн зүгээс аман байдлаар харилцан шийдэх тал дээр гаргалгаа хайя гэсэн” гэлээ.

Б.Лхам