Шинэ төрлийн коронавирусын халдварын талаар эрүүл мэндийн болон бусад холбогдох мэргэжлийн байгууллагуудаас мэдээлэл хийлээ.
Энэ үеэр ДЭМБ-ын мэргэжилтэн О.Ариунтуяа “ДЭМБ-ын энэ сарын 5-ны өдрийн байдлаар шинэ төрлийн коронавирусын халдварын 24554 тохиолдол бүртгэгдэж, 492 хүн нас барсан мэдээлэл байна. Энэ нь халдвар анх гарсан өдрөөс хойш хамгийн өндөр үзүүлэлт юм. Өглөөний 08.00 цагийн байдлаар 28262 тохиолдол бүртгэгдэж, 565 хүн нас барсан байна. БНХАУ-аас гадна 24 улсад 194 тохиолдол, нэг нас баралт Феллипин улсад бүртгэгдсэн бөгөөд Бельги улсад анхны тохиолдол гарсан байна.
Улс орнууд хилийн хяналтаа сайжруулах, халдвараас хамгаалах, урьдчилан сэргийлэх ажлыг эрчимтэй хэрэгжүүлж байгаа нь бусад улсад улсуудад газар авахаас сэргийлж байна. Мөн нийт халдварын 80 гаруй хувь нь хөнгөн хэлбэрийн бөгөөд үлдсэн хувь нь уушгины хатгалгаа байдлаар хүндэрч байна. ДЭМБ-аас эрүүл мэндийн ажилтны аюулгүй байдлыг хамгаалах, нөөцийг нэмэгдүүлэх чиглэлээр ажиллаж байна. ЭНэ хүрээнд Номхон далайн баруун бүсэд маск, халаад зэргийг төвлөрүүлсэн бөгөөд манай улсад ирэх эхний хангамж энэ сарын 8-нд ирнэ гэсэн мэдээлэлтэй байна” гэлээ.
Б.Лхам
