Шинэ төрлийн коронавирусын халдварын талаар эрүүл мэндийн болон бусад холбогдох мэргэжлийн байгууллагуудаас мэдээлэл хийлээ.

Цагдаагийн хурандаа П.Эрдэнэбат “Гоц халдварт өвчнөөс урьдчилан сэргийлэх чиглэлээр мэргэжлийн байгууллагуудтай хамтран мэдээ мэдээлэл солилцон ажиллаж байна. Цагдаагийн байгууллагаас чиг үүргийн хүрээнд алба хаагчдын бэлэн байдлыг хангах, хорио цээрийн дэглэм сахиулах, хэрэгжилтийн явц байдлыг хоног тутам гарган ажиллаж байна. Мөн согтууруулах ундаагаар үйлчилдэг болон хичээл сургалтын үйл ажиллагаанд хяналт тавин ажиллахаас гадна коронавиусын талаар сөрөг мэдээллийг шалгах, маскны үнийн хөөрөгдөл гаргаж байгаа үйлдлийг илрүүлэх, таслан зогсоох арга хэмжээ зохион байгуулж байна. Түүнчлэн хилээр орж ирж байгаа иргэдийг тухайн боомтод тусгаарлах шаардлагатай бөгөөд төрийн явуулж буй аливаа үйл ажиллагаанд иргэд хүндэтгэлтэй хандах хэрэгтэй” гэсэн юм.

Коронавирусын өвчлөлийн эх үүсвэр нь вирус учраас вирусын эсрэг өвөрмөц эмчилгээ байхгүй. Вакцин гараагүй. Тиймээс тухайн хүний биеийн байдлаас хамааран эмчилгээг хийх бөгөөд нийт илэрсэн тохиолдлын 20 хувь нь хүндэрч байна. ЭНэ нь ихэвчлэн ихууч өвчтэй хүнд тохиолдож байна гэдгийг онцоллоо.

ХӨСҮТ-ийн ерөнхий захирал Д.Нямхүү “Энэ сарын 4-нд Дархан-Уул аймагт илэрсэн сэжигтэй тохиолдлын шинжилгээ сөрөг гарсан. Мөн тус өдөр хоёр иргэн сэжигтэй тохиолдлоор тусгаарлагдсан. Энэ дагуу шинжилгээ авч үзэхэд сөрөг гарсан. Өчигдөр гурван сэжигтэй тохиолдол тусгаарлагдсан. Орхон аймагт сэжигтэй тохиолдол гарсан гэж ярьж байсан. Шинжилгээний хариу өнөөдөр гарна. Өчигдрийн байдлаар долоон сэжигтэй тохиолдол тусгаарлагдаж, тандалт судалгаа эмчийн хяналт, лабораторийн шинжилгээ хийгдэж байна” гэлээ.