Хоёрдугаар сарын 28-нд тусгаарлагдсан таван тохиолдолд шинэ вирус илрээгүй. Хоёрдугаар сарын 29-нд тусгаарлагдсан ХӨСҮТ-д хоёр, Сэлэнгэ аймагт 9 нийт 11 тохиолдлыг тусгаарлан тандалт судалгааг хийж байгаа тухай ХӨСҮТ-ийн захирал Д.Нямхүү мэдэгдлээ.

Харин Эрүүл мэндийн яамны Эмнэлгийн тусламжийн газрын дарга Я.Буянжаргал “Дэлхийн Эрүүл мэндийн байгууллагын  бүсийн сайдуудын цахим хурлаар яригдсан зүйл нь шинэ коронавирусийн тархалт гэр бүл, ойр тойрны хүрээнд халдварлах байдал нэмэгдэж байна гэдгийг онцолсон. Энэ бол энгийн байдлаас давсан хүч чадал шаардаж гэдэг мэдээллийг өгсөн. Шинэ вакциныг гаргаж авахад 12-18 сар шаардлагатай гэж үзэж байна. Одоогийн байдлаар Ремдесивир эмийн эмнэлзүйн туршилт үргэлжилж байгаа.

Өнөөдрийн байдлаар Монгол Улсад сэжигтэй тохиолдол 16 байна. Ажиглалтад 309 хүн байна. Нэгдүгээр сараас хойш нийт 705 хүнийг ажиглалтад авсан байна. Үүнээс 227 нь сэжигтэй тохиолдлыг тусгаарлан шинжилгээнд хамруулсан. Үүнд:

-ХӨСҮТ-д 88 хүн

-Цэргийн төв эмнэлэгт 65

-Улсын Хоёрдугаар эмнэлэгт 9

-Асралт мед эмнэлэгт 32

-Жаргалантын сувилалд 41

Баян-Өлгий, Орхон, Сэлэнгэ, Хэнтий, Өвөрхангай, Дорнод аймагт бусад тохиолдлыг ажиглаж байна. Бид тусгаарлах байруудын нэмэгдүүлэхээр ажиллаж байна. Мөн БНСУ-аас түргэвчилсэн оношлогооны төхөөрөмж авахаар ажиллаж байна” гэлээ.

С.Сүлд