Ерөнхий сайд асан М.Энхсайханыг эрүүгийн хэрэгт татсан талаар өмнө нь цахим сүлжээний гол дуулианы нэг болоод байсан цаг саяхан.

Тэгвэл энэ талаар тэрбээр твиттер хуудастаа “Прокуророос дуудлаа. АТГ-аас бэлдсэн хавтаст хэргээ бариад шүүх рүү хүргэгдлээ. Тэднээс хууль ёс, шударга ёс хүлээх хэрэггүй боллоо. Бие даасан, хараат бус шүүх байгаа гэж найдах л үлдэв” хэмээн жиргэсэн юм.

Түүнийг “З.Энхболдын нэр дээр Тавантолгой нүүрсний ордыг хөгжүүлэх талаар авах арга хэмжээний тухай Улсын Их хурлын тогтоолын төслийг өргөн мэдүүлж Улсын Их Хурлаар хэлэлцүүлэн батлуулж, хүн амын амьдралыг хангах үйл ажиллагааг доголдуулж хорлон сүйтгэхийг завдсан үйлдлийг Ц.Элбэгдоржийн дэмжлэгтэйгээр гүйцэтгэсэн үйлдэлд Эрүүнийн хуулийн ерөнхий ангийн 2.8 зүйлийн 1.3.1 дүгээр зүйлийн 1.3.3 дугаар зүйлийн 1 дэх хэсэгт заасныг тус тус журамлан Эрүүгийн хуулийн тусгай ангийн 19.6 дугаар зүйлийн 1 дэх хэсэгт зааснаар тус тус зүйлчлэхээр тогтоосугай” гэжээ. Улмаар Ерөнхий сайд асан М.Энхсайханд холбогдох хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн байна

А.Сүх