Эрүүл мэндийн яамнаас цаг үеийн асуудлаар ээлжит мэдээллээ хийв.

Энэ үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан "Налайх дүүргийн нэг иргэн онгоцноос буугаад зугтсан. Итали улсаар дамжин ирсэн Ш, А гэх хоёр иргэн бага насны хүүхэдтэйгээ ирсэн. Эдгээр иргэн явсан газраа тодорхой хэлэхгүй нууж, буруу мэдээллэсэн.

Зарим иргэн өөр газар тусгаарлагдана гэж эсэргүүцсэн.

Энэ мэт иргэд дураараа авирладаг. Бид гарсан зөрчил болгоныг баримтжуулж байгаа. Тиймээс иргэдийн гаргасан зөрчил болгонтой хариуцлага ярина. Үүний ард их зардал, олон хүн ажиллаж байгаа. Нэг ч гэсэн иргэнээ халдвар авахуулахгүйн төлөө зүтгэж байгаа алба хаагчдаа хүндэтгэх хэрэгтэй байна" гэв.