Эрүүл мэндийн яамнаас COVID-19 халдварын талаар мэдээлэл хийлээ.
Мэдээллийн эхэнд ДЭМБ-ын О.Ариунтуяа “ДЭМБ-ын энэ сарын 8-ны өдрийн мэдээллээр дэлхийн 105 улсад COVID-19 халдварын 105586 тохиолдол бүртгэгдсэн. 24 цагийн дотор дэлхийн хэмжээнд 98 хүн нас барж нийт нас баралтын тоо 586-д хүрсэн. Мөн Иранд 1076 тохиолдол, нас баралтын тоо 49-өөр нэмэгджээ. 24 цагийн хугацаанд Италид халдвар 25 хувиар өсөж, 1247 тохиолдол, 133 хүн нас барлаа. Европын хамгийн том дэгдэлт Итали улсад явагдаж байна.
БНСУ-д шинэ тохиолдлын тоо 367 тохиолдлоор нэмэгдсэн. Түүнчлэн 19 хүн лабораторийн шинжилгээг хүлээж байна. ДЭМБ-аас COVID-19 халдварын дөрвөн үе шатыг тодорхойлсон. Нэгдүгээрт, тохиолдол бүртгэгдээгүй улс хоёрдугаарт, нэг буюу түүнээс дээш, гуравдугаарт, дэгдэлт байдлаар голомтлон тархаж байгаа дөрөвдүгээрт, хүн амын дунд өргөн хүрээнд тархаж байгаа гэсэн үе шатыг гаргаж шат бүрт зөвлөмж гаргасан” гэлээ.
БНХАУ-д COVID-19 халдвар багасч хяналтандаа авч байгаа талаар сайхан мэдээтэй байгаа ч дэлхийн олон улсад халдварын тоо өндөр байна" гэлээ.
Харин ЭМЯ-ны гадаад харилцааны хэлтсийн дарга Б.Янжмаа “АНУ-д халдварын тохиолдол 550-д хүрсэн бөгөөд найман муж улсад онц байдал зарласан. Итали улсад халдварын улмаас нас барсан иргэдийн тоо сүүлийн 24 цагийн дотор 133 хүн нас барж, нийт нас барагсдын тоо 466 болсон” гэв.
А.Сүх
