Энэ сарын 02-ны өдөр "Аэрофлот"-оор ирсэн, Дорноговь аймгийн Улаанбадрах суманд байх "Бадрах энержи" компанид ажилладаг Францын иргэн коронавирусний халдвар тохиолдол илэрчээ. Үүнтэй холбогдуулж онгоц, зочид буудал, гал тэрэг зэрэгт нэгдүгээр хавьтал болсон хүмүүсийг тусгаарлаж, дам хавьтсаныг олж тогтоосон байна. Улмаар хотоос гарах, хот руу орох хот хоорондын тээвэр, хувийн автомашины хөдөлгөөнийг өнөөдрөөс даваа гарагийн 07.00 цаг хүртэл хориглолоо. Мөн замд явж байгааг хот руу оруулуулаар болсон байна. Онцгой комисс, холбогдох байгууллага шаардлагатай бүх арга хэмжээг авч байна. Мөн иргэд айж сандралгүй, тайван байж, маскаа зүүн, гараа байнга угааж байхыг уриалж байна.