Монгол Улсад шинэ төрлийн коронавирус илэрсэнтэй холбогдуулан улсын хэмжээнд автозамын болон агаарын бүх хөдөлгөөнийг бүрэн зогсоох шийдвэр гарсны дагуу эхний ээлжинд Улаанбаатар хотоос гарах хөдөлгөөнийг хаагаад байгааг Тээврийн цагдаагийн албанаас мэдээллээ. 

Баянзүрх, Өлийт, Биокомбинат, 361 гарам, Гүнт зэрэг постод хөдөлгөөн хязгаарлах ар хэмжээг авч байгаа юм байна. Өөрөөр хэлбэл, энэ сарын 17-ныг хүртэл автозамаар нийслэлээс гарах ямар ч боломжгүй юм байна. Харин нийслэл рүү орох иргэдийн халууныг үзэж, асуумж бөглүүлсний дагуу нэвтрүүлнэ.

Автозамын хөдөлгөөний хязгаарлалт зорчигч тээвэрт үйлчинэ. Өөрөөр хэлбэл хүнс, бараа зэргийн тээвэрлэлт хэвийн үргэлжилнэ. Мөн өнөөдөр өглөөнөөс эхлэн тухайн аймаг, сумдаас гарах автозамыг бүрэн хаах шийдвэрийг Улсын онцгой комиссоос гаргасан байна.