Шинэ коронавирусний халдвар авсан нь тогтоогдоод буй Франц улсын иргэнтэй хамт нэг онгоцоор Монголд ирсэн Англи улсын иргэнийг Увс аймгийн Бөхмөрөн сумын Ямаатын аманд тусгаарлаад буй. Тэгвэл уг иргэнээс авсан сорьцыг өнөөдөр 17.00 цагт ХӨСҮТ хүлээн авч лабораторид шилжлүүлэхээр өгчээ. Хариу маргааш гарах бөгөөд тухайн иргэний биеийн байдал хэвийн, халуурах зэрэг эмнэлзүйн шинж тэмдэг илрээгүйг ХӨСҮТ-өөс мэдэгдсэн байна.

Ташрамд дурдахад, Франц улсын иргэнтэй нэгдүгээр зэргийн хавьтлын иргэдээс авсан шинжилгээний хариу гарсаар байна. Өнөөдөр 15.41 цагийн байдлаар нэгдүгээр зэргийн хавьтлын 149 хүний шинжилгээний хариу сөрөг гарсан бөгөөд шинэ коронавирусын халдвар аваагүй нь тогтоогдлоо. Эдгээр хүмүүст 7, 14, 21 хоногийн давтамжаар дахин шинжилгээ хийнэ. Одоогоор ХӨСҮТ-д тусгаарлан ажиглаж байгаа аж. 

Г.Маргад