Шинэ төрлийн коронавирусын халдвар дэлхийн 100 гаруй оронд тархаад байгаа бөгөөд манай улсад анхны тохиолдол Франц улсын иргэнээр дамжин илэрлээ.

УОК-оос зарим арга хэмжээг авч эхэлсэн бөгөөд хамгийн гол нь иргэд сонор сэрэмжээ алдалгүй, тайван байхыг анхааруулж байгаа юм. COVID-19 халдвар нь халдвартай хүн ханиах, найтаах үед агаар дуслын замаар болон бохир гар, эд зүйлсээр дамжих замаар дамжих эрсдэл өндөр аж.

Ингээд коронавирусын халдвараас хэрхэн урьдчилан сэргийлэх талаар зөвлөмжийг хүргэж байна. 

Ямар шинж тэмдэг илрэх вэ?

• Халуурах – 88 хувь

• Хуурай ханиалгах – 68 хувь

• Ядарч сульдах – 38 хувь

• Цэр гарах – 33 хувь

• Амьсгал давчдах – 19 хувь

• Булчин өвдөх – 15 хувь

• Хоолой өвдөх – 14 хувь

• Толгой өвдөх – 14 хувь

• Бөөлжих-5 хувь

• Хамар битүүрэх-5 хувь

• Гүйлгэх-4 хувь

Нус гоожих нь өвчний шинж тэмдэг биш гэж үзэж байна.

Коронавируст халдвар (COVID-19)-аас хэрхэн сэргийлэх вэ?

• Өвчлөл гарсан бүс нутагт зорчихгүй байх, зорчсон бол 14 хоног гэртээ өөрийгөө тусгаарлан ажиглах

• Халуун бүлээн шингэн ойр ойрхон уух, тагтай аяга хэрэглэх

• Давс, нимбэг, содтай бүлээн усаар ам, хоолойг зайлах

• Аяга, халбагаа халуун усаар сайтар угаах

• Гараа сайтар савандаж угаах

• Нүд, ам, хамартаа гар хүрэхгүй байх

• Амны хаалт зүүх

• Ханиаж, найтааж байгаа хүнээс хол байх

• Гадуур явахдаа бээлий өмсөх

• Олон хүн цугларсан газраар явахгүй байх

• Бусадтай гар барих, үнсэхээс зайлсхийх

• Сайн унтаж амрах

• Тайван стрессгүй байх

• Аль болох бэлэн мөнгөтэй харьцахгүй байх

• 1-5 давхарт цахилгаан шат ашиглахгүй байх

• Шүлсээ хаяхгүй байх