Шинэ төрлийн коронавирусний халдварын талаар Эрүүл мэндийн яамнаас мэдээлэл хийлээ.

ЭМЯ-ны хэлтсийн дарга Д.Нарангэрэл “COVID-19 халдвар дэлхийн 165 оронд бүртгэгдсэн байна. Ялангуяа их газраас арлын орон руу бүртгэгдэж байна. Мөн Иран, Итали, АНУ, Герман, БНСУ  зэрэг улсуудад голомтлон тархаж байна. Өчигдөр манай улсад гаднаас зөөвөрлөгдөн орж ирсэн тав дахь тохиолдол бүртгэгдсэн. Энэ хүний ойрын хавьтлын 13 хүнийг тусгаарлаж, голомтыг цомхотгон барьсан. Цаг агаар дулаарч байгаа үед эрт нимгэн хувцаслах зүй ажиглагдаж байна. Даарах нь дархлаа сулруулдаг учраас дулаан хувцаслах, яаран нимгэн хувцсанд орохгүй байхыг зөвлөж байна. Европын холбооны улсуудад хүмүүс хоорондоо нэг метр хоорондын зайнд харьцаж байна. Тиймээс иргэддээ яамнаас өгч байгаа зөвлөмжийг дагаж ажиллахыг хүсч байна” гэлээ.

Өвчлөлийн тархалт нэмэгдэж байгаатхай холбогдуулан Бельги улсад хөл хорио тогтоожээ. Хүнсний дэлгүүр, яаралтай тусламж шаардлагатай тохиолдолд тусах зорилгоор гарах, шуудан орохоос бусад үед гэрээс гарахгүй байх шийдвэр гаргажээ. Герман улсын хувьд хоногийн хугацаанд халдварын тоо 2000 гаруй тохиолдлоор нэмэгдсэн байна. Тус улсад 500 гаруй хүн эмнэлэгт хэвтэн эмчлүүлж байгаа бөгөөд Засгийн газраас иргэдээ бусад улс руу зорчихгүй байхыг уриалж байгаа аж.

А.Сүх