ЭМЯ-наас цаг үеийн асуудлаар мэдээлэл хийлээ. Энэ үеэр "Хээрийн эмнэлэг бэлтгэх талаар иргэд санал гаргаж байна. Бид үүнийг анхнаасаа судалж үзсэн. Гэхдээ манай улсын эрүүл мэндийн салбарын боломж харьцангуй сайн байгаа учир энэ асуудлыг түр хойш тавьсан. Хамгийн гол нь иргэд хариуцлагагүй байна. Амны хаалт зүүгээгүй иргэд олон байна. Халдвар дотоодоос бус гадаадаас зөөврлөгдөж байгаа учир бидэнд эрсдэл байхгүй гэж хайнга хандаж байна. Гэтэл дэлхийн улс орнуудаас гаргасан судалгаагаар эмнэлгийн ажилчдын найман хувь нь халдвар авч тараасан байна. Бид хариуцлагатай байхгүй бол ийм алдаа, эрсдэл гарахгүй байхыг үгүйсгэхгүй. Түүнчлэн Азийн улс орнууд өндөр настай иргэдээ эмчилж байгаа бол Европууд залуу иргэдийнхээ эрүүл мэндийг хамгаалахыг чухалчилж байна" гэлээ.
Г.Маргад