Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр ХӨСҮТ-ийн ерөнхий захирал Д.Нямхүү "ОХУ-аас иргэдээ авчирсан. 169 нь Улаанбаатар, Сэлэнгэ аймагт хоёр иргэн тусгаарлагдсан. Бусад нь Дархан-Уул аймагт тусгаарласан. Энэ сарын 12-ны байдлаар сэжигтэй тохиолдол илрээгүй. Гадаад дахь монголчууд маань эрүүл мэндээ хамгаалж, хариуцлагатай байгаад баярлалаа. Хяналтад байгаа иргэдийн биеийн байдал хэвийн тогтвортой байна. Гэрээр тусгаарлагдсан иргэд хариуцлагатай байна. Орцны айлууд болон хорооны ажилчид хяналт тавьж байна. Хамгийн гол нь иргэн өөрөө хариуцлагатай байж, тусгаарлалтадаа үнэнч байх ёстой гэдгийг анхаарах ёстой. 

Гаднын улсад цэрэг цагдаа дээрээ тулсан олон тохиолдол бий. Тиймээс ийм хүнд байдалд шилжүүлэхгүй байх тал дээр анхаараарай" гэлээ. 

Дэлхийн нийт 213 улсад 1.7 сая гаруй иргэн өвчилж, 108 мянга гаруй иргэн нас бараад байна. 

Г.Маргад