Нийслэлийн хэмжээнд хууль зөрчиж олгосон газар эзэмших эрхийн захирамжийг цуцлах ажил үргэлжилж байна. Одоогоор 150 га талбай бүхий газрыг эзэмшиж байсан 246 гаруй иргэн, ААН-ийн эрхийг цуцалсан байна. Тухайлбал, газрын кадастр бүртгэл хийж, тухайн газрыг хадгалуулдаг тохиолдол их гарсан байна. Тиймээс энэ бүхнийг эхнээс цэгцэлж байгаа гэдгийг НЗДТГ-ын хууль эрх зүйн хэлтсийн дарга А.Даваажаргал онцоллоо. 

Тодруулбал, Сүхбаатарын талбайн урд байрлах цэцэрлэгт хүрээлэнг UB constraction компанийн охин компанийн нэр шилжиж очсон байна. Энэ газрыг цуцалж, НИТХ-аар хэлэлцэж, нийтийн эдэлбэр газарт хамааруулсан. Энэ газартай холбоотой иргэдийн шүүмжлэл гарсан. Гэтэл нэг компани нэр дээрээ авсан байхад хэн ч шүүмжлээгүй. Гэтэл төр аваад бүх нийтэд зориулсан байдлаар тохижилт хийх гэхээр нэр бүхий иргэд эсэргүүцэж байна. 

Тиймээс үүнийг захиалгатай явуулга гэж бодож байна. 

Мөн Улаанбаатар зочид буудлын урд хэсгийн цэцэрлэгт хүрээлэнг Улаанбаатар хотын банкны охин компанид олгосон байсныг мөн хүчингүй болгосон.

Цаашид хууль бусаар газар олгох асуудлыг таслан зогсооно. Дахиад 38 байршил 120 орчим иргэний газар эзэмших эрхийн гэрчилгээг цуцлахаар шалгалт хийж байгааг мөн онцоллоо.

Г.Маргад