“Никитон” хамтлагийн даралтат хөгжимчин, продюсер Б.Чинбат,  “Sweetymotion” дуучин Ц.Сарнай нар тусгай үүргийн нислэгээр эх орондоо иржээ.

Тодруулбал, Б.Чинбат 2019 оны арваннэгдүгээр сарын 28-д БНСУ-д элэг солиулах мэс засалд орж, түүний эхнэр А.Сарнай донор болж, хагалгаа амжилттай болсон юм. Тэд хагалгааны дараах эмчилгээгээ хийлгэж байгаад эх орондоо ирсэн байна. 

Энэ талаар дуучин Ц.Сарнай өөрийн цахим хуудастаа "Эх орондоо сайн яваад ирлээ. Энэ түгшүүртэй цаг үед гэр бүлээрээ урт удаан аялал хийх амаргүй даваа байлаа. Хүн бүр хариуцлагатай байж, өөрийн гэр бүл болон бусдыгаа, цаашлаад Монгол улсаа хамгаалах иргэн хүнийхээ үүргийг гүйцэтгэж хамтдаа даван туулж гарцгаанаа. Иргэдийнхээ эрүүл мэндийг хамгаалах гэж цаг наргүй, өдөр шөнөгүй ажиллаж байгаа Эрүүл мэндийн салбарынхан, Улсын Онцгой Коммис, Мэргэжлийн Хяналт, Цагдаагийн албан хаагчиддаа талархацгаая" гэжээ.

А.Сүх