УОК-ын Шуурхай штабаас цаг үеийн асуудлаар мэдээлэл хийлээ. Энэ үеэр ОБЕГ-ын дэд дарга, хурандаа Б.Ууганбаяр "Гэрээр тусгаарлах асуудалд хүндрэл тулгарч байна. Бүртгүүлсэн хаяг дээрээ амьдардаггүй, бичиг баримтын зөрчилтэй хүн олон байна. Тухайлбал, Эрдэнэт хотод тусгаарлагдах байранд байсан таван иргэн тусгаарлалтаас гараад гэртээ хариагүй удсан зөрчил гарсан. Цагдаагаас шалгаж тогтоогоод хариуцлага тооцсон. Тусгаарлах байран дахь иргэдтэй ойр байж болохгүй учир зарим нэг тохиолдолд цаг алдсан тохиолдол бий. Одоо бол гар утсаар байнга холбогдож, хорооны даргаас эхлээд цагдаа, өрхийн эмнэлгийн эмч нар гээд бүх шатныхан хяналт тавин ажиллаж байна.

"Маскаа зүүе" аян ирэх сарыг дуустал үргэлжилнэ. Иргэн бүр хариуцлагатай баймаар байна. Заавал бусдаар шахаж шаардуулмааргүй байна" гэлээ.