"Улаанбаатар Сонгдо" эмнэлгийн захирал Б.Болдсайхан мэдээлэл хийлээ. 

"Улаанбаатар Сонгдо" эмнэлэгт сэжигтэй хоёр тохиолдол илэрч, ХӨСҮТ-өөс PCR шинжилгээ хийж, дээрх иргэдийг тусгаарлалтад аваад байсан юм. Лабораторийн шинжилгээ өнгөрсөн шөнө гарсан бөгөөд коронавирусний халдваргүй болох нь батлагдсан байна. Энэ талаар тус эмнэлгийн захирал Б.Болдсайхан “Хэвтэн эмчлүүлж байсан хоёр иргэнээс хурдасгасан оношлуураар хоёр удаа шинжилгээ хийсэн. Хоёр хариу хоёулаа эерэг гарсан.

Тиймээс тусгаарлах арга хэмжээ авч, ХӨСҮТ рүү хандсан. ХӨСҮТ-ийн PCR шинжилгээгээр сөрөг гэж гарсан. Гэхдээ өмнө нь халдвар аваад эдгэрсэн байж болно. Эсвэл нууц үедээ байж болно. Эсвэл ямар ч вирусгүй байж болно. Учир нь дээрх хоёр иргэн хоёулаа уушги муутай. Нэр хүн нь хавдрын эмчилгээ хийлгэж байна. Улаанбаатар Сонгдо эмнэлэг олон хүнийг айлгаж түгээсэнд уучлаарай.

Өндөр настай хүний ач хүү нь гадагшаа яваад ирсэн юм билээ. Нэг удаа уулзсан гэсэн. Гэхдээ ганцхан удаа уулзсан гэж бодохгүй байна. Эмнэлгийн хувьд үйл ажиллагаа хэвийн. Гэхдээ амбулатороор үйлчлүүлэх иргэд цөөрсөн” гэлээ.

Г.Нацаг