ОХУ-аас ирж, Амар зочид буудалд тусгаарлагдаж байсан 10 хүний нэгээс нь коронавирусний халдвар илэрчээ. Тодруулбал, ХӨСҮТ өчигдөр нийт 84 хүнийг шинжилгээнд хамруулсан бөгөөд тандалтын шугамаар 25, тээврийн 44 жолооч, Амар зочид буудалд хянагдаж байгаа 10 хүнд хийжээ. 

ХӨСҮТ-ийн захирал Д.Нямхүү "Энэ сарын 15-нд улсын хэмжээнд сэжигтэй тохиолдол нэмж илрээгүй. Харин ОХУ-аас ирсэн нэг хүнээс халдвар илэрснээр нийт батлагдсан тохиолдлын тоо 31 болж нэмэгдлээ. Мөн Сонгдо эмнэлэгт гарсан хоёр сэжигтэй тохиолдолд эсрэг бие илрүүлэх шинжилгээ хийсэн. Эсрэг бие илрээгүй буу коронавирусээр өвчлөөгүй гэсэн үг.  Харин эмчлэгдээд гарсан таван хүнд эсрэг беийн шинжилгээ хийснээс эсрэг бие илэрлээ. Тиймээс шинэ вирусний эсрэг хянан судлах ажлыг үргэлжлүүлэх шаардлагатай гэж үзлээ" гэв.

А.Сүх