УИХ-ын өнөөдрийн чуулганаар Эрүүл мэндийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцлээ. 

Хэлэлцэж байгаа асуудалтай холбогдуулан гишүүд асуулт асууж хариулт авч байна. 

Б.Баттөмөр: Дархан-Уул аймагт энэ жилийн төсөв ахмадуудад үйлчлэх төв баригдаж байна. Монголдоо тэргүүлэх төв болно. Эрүүл мэндийн салбарынхандаа баярлалаа. 2015.9 сард НҮБ-аас тогтвортой байдлын хөгжлийн зорилтыг дэвшүүлсэн. Үүнд, Монгол хүний дундаж наслалтыг 78 хүргэнэ гэж заасан. Энэ зорилтын ажлын хүрээнд юу хийж байна вэ?. Нөхөн үржихүйн чанар хүртээмжийг сайжруулахад юу хийж байна вэ. эхийн эндэгдлийг бууруулах зорилт дэвшүүлсэн. Биелэлт хэр байна вэ?. Зүрх судасны өвчлөлийг бууруулах зорилт мөн тавьж, НҮБ-ын өмнө манай улс амлалт өгсөн. Энэ зорилтууд хангалтгүй байна. Үүнд хариулна уу?

Д.Сарангэрэл: Санхүүжилт 2016 онтой 2020 оын харьцуулахал 50 хувь өссөн. Энэ бол том ажилт. Тиймдээ ч олон эмнэлгийг ашиглалтад оруулахаар ажиллаж байна. НҮБ-ын өмнө амлалт өгсөн. Дундаж наслалтын хувьд 70.2 болсон. 2030 онд 78 болгох амлалт өгсөн. Бид хийж байна. Тиймдээ ч өвчнөөс урьдчилан сэргийлэх ажил хийх, эмч эмнэлгийн ажилтныг сургах гээд олон хүчин зүйл нөлөөлж байгаа. Нэг амьсгаагаар бүгдийг шийдэх боломжгүй. Олон ажил хийх хэрэгтэй. Үүний төлөө ажиллаж байна. 2019 онд бага насны хүүхдийн эндэгльийн төвшинд томоохон өөрчлөлт хийж чадсан. Түүхэндээ эндэгдлийг бууруулсан удаа байгаагүй. Манай эрүүл мэндийн салбарынхан үүнийг хийж чадлаа. Тогтвортой хөгжлийн зорилт руу дөхүүлэхийн тулд төсвөө нэмэгдүүлэх, шаардлагатай ажлыг хийх ёстой. Хэрвээ энэ эрчээрээ явбал НҮБ-ын өмнө өсгөн амлалтаа 2030 онд биелүүлэх боломжтой. Зүрх судасны өвчлөлийг бууруулах чиглэлээр ажиллаж байна. ДЭМБ-тай хамтарч тусгай хөтөлбөрийг зарим аймаг, сум, дүүрэгт хэрэгжүүлж байна. Эндээс эрсдэлтэй бүлгийг тусгайлан судалж, гаргаж ирэн дэмжлэг үзүүлж байна.

О.Баасанхүү: О.Баасанхүү гишүүн хуулийн төслийг сайн ойлгосон байна. Дэлхий нийтэд эрүүл мэндийн салбар шат ахисан хэлбэрээр байдаг. Гэхдээ монгол улсын хэмжээнд өвчин гэдгийг ханиад, коронагаар төсөөлмөөргүй байна. Архидалт, хар тамхины хэрэглээ гамшгийн төвшинд хүрсэн. Ядаж кабинет байгуулаад буруу зуршилтэй хүмүүст зөвлөгөө өгдөг, эмчилдэг баймаар байна. Гэтэл өрхийн эмнэлэг гэхээр даралт хэмждэг, вакцин хийдэг. Ийм байхаар дараагийн шатлалын эмнэлэг рүү зүтгэхгүй гээд яах юм бэ. Мөнгөтэй эсвэл аргаа барсан хүмүүс гадаад руу явахгүй гээд яах юм бэ. Хавдрын эмнэлгийн дарааллыг хар. 1990 онд сүүний очер ийм байсан байх. Яг үнэндээ өрхийн эмнэлэг машингүй, сайн эмч байхгүй. СӨХ-ийн эмнэлэг шиг л байна. Иргэдийн итгэлийг дааж чадахгүй байна. Дээр үед хорооны эмнэлэгтээ үзүүлье гэдэг итгэлтэй байлаа. Одоо ийм юм алга. Зөвхөн дээд талдаа анхаараад байвал ачааллаа дийлдэхгүй болно шүү. Яг хавдрын эмнэлэг шиг болно. Архидалт, хар тамхины хамаарал гамшгийн хэмжээнд хүрлээ. Өмнө нь томчуудын хүүхдүүд гэдэг байсан бол одоо энгийн жирийн айлын хүүхдүүд ч хордож байна. Залуучууд нь ажилгүй, архины хамааралтай болчихлоо. 

Хууль гарснаар энэ бүхнийг яаж цэгцлэх бэ. Дээр нь нэг зүйл байна. 0-16 насны хөгжлийн бэрхшээлтэй хүүхдийн мөнгийг хассан талаар би тайлбар нэхсэн. Ингэж хэмнэлт хийхгүй шүү.

Д.Сарангэрэл: Өрхийн эрүүл мэндийн төв гэдэг нь хуучин хэсгийн эмнэлэг мөн. Өмнө нь резидент эмч очдог байсан цаг өнгөрсөн. Туршлагатай эмчийг ажиллуулахыг хичээж байна. Өдөр ирэх тусам чанаржуулж байна. Өрхийн эмнэлгийн эмч нар харанхуй гудамжаар нохойнд хөөгдөж байж сүрьетэй хүмүүсийг олж, хянаж байна. Анхан шатны сууриа бэхжүүлж байж үндэсний дархлаагаа сайжруулдаг дэлхийн жишиг бий. Бидэнд ч ингэж зөвлөдөг. Хэрэгжүүлэхийг хичээж байна. Тантай санал нэг байна. Архи, хар тамхинд донтсон хүмүүсийг донтолт гэж хүн утгаар нь харьцдаг. Эрдэнбаяр доктор ч ингэж хэлдэг. Тиймээс таны саналыг хүлээж авч байна. 

Хавдрын эмнэлгийн хувьд аймгуудад химийн эмчилгээ хийдэг болсон.