1xBet Монгол-ын хамт олон хамгийн мартагдашгүй, сэтгэл догдлуулсан Европа лигийн хамгийн шилдэг 5 финалыг танилцуулж байна.

2016 он, Ливерпүүл vs Севилья — 1:3

Юрген Клоппын удирдлага дор анхны улиралдаа Ливерпүүл Европын Лигийн финалд шалгарсан бөгөөд өмнөх хоёр удаагийн аварга Севильятай тулгарсан юм. Даниэл Старриж гайхамшигтай гоолоор тоглолтын тэргүүллийг Ливерпүүлд авч ирсэн. Гэвч хоёрдугаар үеийн эхэнд Бразил хамгаалагч Мариано гурван хамгаалагчийг хуурч, Кевин Гамейрод гоолын дамжуулалт өгснөөр тоглолтын тооны харьцаа тэнцсэн. Уг гоол тоглолтын явцыг эрс өөрчилсөн бөгөөд урам орсон Севилья довтолгоогоо идэвхжүүлж, багийн ахлагч Коке хоёр гоол нэмж оруулснаар Ливерпүүлийг 3:1-ээр хожиж, Европа Лигт гурав дахь удаагаа дараалан түрүүлсэн юм.

2021 он, Вильярреал vs Манчестер Юнайтед — 1:1 (Торгуулийн цохилтоор Вильярреал 11:10 харьцаатай ялсан)

“Шар шумбагчид” болон “Улаан чөтгөрүүд”-ийн тоглолт үндсэн цагт 1:1 харьцаатай өндөрлөсөн ба сэтгэл догдлуулам мөчөөр дүрэн тоглолт болсон юм. Жерард Морено эхний үед гоол оруулснаар Вильярреал тоглолтын тэргүүллийг авсан ч хоёрдугаар үед Эдинсон Кавани хариу гоол оруулан тоглолт тэнцсэн. 120 минутын дараа ялагч тодроогүй тул ялагч баг торгуулийн цохилтоор шийдэгдэхээр болсон юм. Хоёр баг ээлж дараалан төгс гүйцэтгэлтэйгээр торгуулийн цохилтыг цохисоор эцэст нь хаалгачдын цохих ээлж ирсэн юм. Вильярреалын хаалгач Жеронимо Рулли эхлээд өөрөө гоол оруулж, дараа нь Давид Де Хеагийн цохилтыг хааж тоглолтын гол баатар болж Реал Вильярреал баг Европа Лигийн анхныхаа түрүүг хүртсэн. 

2010 он, Атлетико Мадрид vs Фулхэм — 2:1

Рой Хожсоны удирдсан Фулхэм баг 2009-2010 оны улиралд гайхалтай амжилт гаргасан. Тэд Ювентусыг нийт дүнгээр 5:4-өөр хожиж, багийнхаа түүхэнд томоохон амжилт гаргасан ч тэдний үлгэр шиг аялал нь гунигтайгаар төгссөн. Европа лигийн финалын тоглолтод  Атлетико Мадридын Уругвай Диего Форлан гоол оруулж тоглолтын тооны харьцааг нээсэн боловч Фулхэмийн Саймон Дэвис хариу гоол оруулсан. Англичууд хамгаалалтад бүхнээ зориулж, торгуулийн цохилт руу шилжихийг хичээсэн ч 116 дахь минутад Форлан дахин гоолдож Атлетикод ялалт авчирсан. 

2020 он, Севилья vs Интер — 3:2

Энэ тоглолтын эхний хагас тун сонирхолтой өнгөрсөн. 5 дахь минутад Ромелу Лукаку торгуулийн цохилтоос гоолдсон боловчм, төд удалгүй Люк Де Йонг ба Диего Годин хоёр дараалан гоолдож хариу барьсан.
Хоёрдугаар үед эхний хагасын баатар болох Ромелу Лукаку өөрийн хаалганд гоол оруулсан нь тоглолтын хувь заяаг бүрэн шийдэг орхисон билээ. Ийнхээ тэрбээр тоглолтын баатраас тэр даруйдаа хожигдлын шалтгаан болон хувирсан.

2019 он, Челси vs Арсенал — 4:1

Энэ тоглолт Аваргуудын лигийн финалтай дүйцэхүйц хэмжээний хоёр том багийн тулаан байсан билээ. Бүх гоол хоёрдугаар үед орсон. 65 дахь минут гэхэд Оливье Жиру, Педро, Эден Азар нарын гоолын ачаар Челси 3:0-ээр тэргүүлж байлаа. Сэлгээгээр орсон Алекс Ивоби нэг гоол оруулсан нь Арсеналд багахан найдвар төрүүлсэн ч Азар ахин гоолдож эцсийн дүнг 4:1 болгосноор Челси хоёр дахь удаагаа Европа лигт түрүүлсэн.