БАРИМТ 1
Түүнийг Гантулгын Есөнтөмөр гэдэг.
БАРИМТ 2
1998 оны дөрөвдүгээр сарын 3-нд төрсөн. 28 настай.
БАРИМТ 3
The MongolZ багт 2026 оны аравдугаар сарын 5-нд нэгдсэн.
БАРИМТ 4
nin9 нь The MongolZ багийн хувьд цоо шинэ тоглогч биш. Тэрбээр 2018 онд тус багийн бүрэлдэхүүнд тоглож байжээ. Ийнхүү найман жилийн дараа багтаа эргэн ирсэн нь түүний карьерын онцлох үйл явдал юм.
БАРИМТ 5
Гантулга 2017 оны арваннэгдүгээр сараас 2018 оны тавдугаар сар хүртэл Born in Mongolia багт тоглож, улмаар 2018 оны тавдугаар сард The MongolZ багт нэгдсэн байна. Тэрээр 2018 оны наймдугаар сараас Storm Rider, 2019 оны тавдугаар сараас Mazaalai, 2020 оны нэгдүгээр сараас AUGUST багуудад тус тус тогложээ. Үүний дараа 2020 оны гуравдугаар сард TIGER багт элсэж, 2021 оны хоёрдугаар сар хүртэл тоглосон байна. Мөн 2021 оны гуравдугаар сараас Renewal, 2022 оны нэгдүгээр сараас Checkmate, 2022 оны гуравдугаар сараас IHC, 2022 оны долдугаар сараас NKT багуудын бүрэлдэхүүнд багтжээ. Улмаар 2023 оны аравдугаар сард The Huns багт нэгдэж, гурван жилийн турш тоглосныхоо дараа 2026 оны аравдугаар сард The MongolZ багтаа эргэн ирэв.
БАРИМТ 6
Түүнийг IGL буюу тоглолтын үеэр багийнхаа тактик, шийдвэрийг удирдан чиглүүлдэг тоглогч гэж тодорхойлж болно.
БАРИМТ 7
nin9 нь 2022 онд IHC багийн бүрэлдэхүүнд bLitz, Techno болон дасгалжуулагч maaRaa нартай хамт ажиллаж байв. Тухайн үед IHC баг Монголын багуудаас анх удаа Counter-Strike-ийн дэлхийн аварга шалгаруулах цуврал тэмцээн болох Major-т оролцох эрх авч, Монголын цахим спортын түүхэнд чухал амжилт үзүүлсэн юм. Тус баг Бельгийн Антверпен хотод болсон PGL Major Antwerp 2022 тэмцээний Challengers шатанд өрсөлджээ.
БАРИМТ 8
Тэрбээр The Huns болон IHC багийн бүрэлдэхүүнд хоёр удаа Major-т өрсөлдсөн байна.
БАРИМТ 9
Түүний орлого 52492 ам.долларт хүрчээ.
БАРИМТ 10
Тэрбээр өнөөдрийг хүртэл тэмцээний талбарт нийт 940 мап тогложээ. Тэгэхдээ 7139 аллага хийж, 6343 удаа үхсэн байна.
БАРИМТ 11
2020 онд TIGER багийн хамт Weibo Cup Asia Professional Championship тэмцээнд түрүүлсэн, 2021 онд Renewal багийн хамт DreamHack Open June 2021 Asia тэмцээнд түрүүлсэн, 2022 онд IHC багийн хамт PGL Major Antwerp 2022 тэмцээний Ази, Номхон далайн бүсийн сонгон шалгаруулалтад түрүүлж, Major тэмцээнд оролцох эрх авсан. 2025 онд The Huns багийн хамт MESA Pro Series Spring, Fall болон Road to eXTREMESLAND тэмцээнүүдэд түрүүлжээ.
БАРИМТ 12
HLTV-ийн тоглогчийн профайлаар nin9 дэлхийн чансааны 20 дугаарт бичигдэж байна. Түүний карьерын хамгийн өндөр үзүүлэлт нь 17 дугаар байр юм.
