Шударга өрсөлдөөн, хэрэглэгчийн төлөө газар, Мэргэжлийн хяналтын ерөнхий газар, Ашигт малтмал, газрын тосны газар, Стандартчилал хэмжил зүйн газраас бүрдсэн хоёр ажлын хэсэг шатахуун түгээх станцуудад түүврийн аргаар бензин, шатахууны чанар, дүүргэлтийн хэмжээнд хяналт шалгалт хийхээр болжээ. Энэ талаар МХЕГ-аас АИ-92 авто бензиний октан тоо нь 92 байх зэргээр стандартад заагдсан үзүүлэлтийг хангах ёстой. Өөрөөр хэлбэл, зөвхөн үйлдвэрлэгч нь өөрийн бүтээгдэхүүн дээр чанар сайжруулагч нэмэлт бодис хийхийг стандартаар зөвшөөрсөн байдаг. Харин үйлдвэрлэгчээс бусад этгээд бүтээгдэхүүн дээр нэмэлт бодис нэмж, чанар сайжруулж, худалдан борлуулахыг хориглодог. 

Шатахуун түгээх эрхтэй байгууллагууд шатахуун дутуу шахсан, чанаргүй шатахуун худалдан борлуулсан бол гомдол гаргах эрхтэй. 
Автомашин тээврийн хэрэгсэл эвдрэх олон шалтгаан бий. Үнэхээр шатахуунаас болж эвдэрсэн эсэхийг мэргэжлийн оношилгооны байгууллагууд үзлэг хийж байж эвдрэл гэмтлийг нотолно. Хэрвээ шатахуунаас болж автомашинд эвдрэл, гэмтэл үүссэн бол шатахуун түгээх байгууллага болон хууль хяналтын байгууллагад хандан асуудлыг шийдвэрлэх боломжтой" гэв.

Харин ШӨХТГ-ын дарга Б.Лхагва "Гомдол саналаа ШӨХТГ-ын 115 дугаарын утсанд хэлэх бүрэн боломжтой. Бензин, шатахуунаас болж автомашин нь доголдсон, эвдэрсэн асуудал байвал холбогдох баримт бичиг, нотлох баримтаа бүрдүүлэн ШӨХТГ-т хандаж болно" гэлээ... 

Ташрамд дурдахад, шатахуун түгээх компани дараах үүргийг биелүүлэх ёстой юм байна.

Үүнд, газрын тосны бүтээгдэхүүний аргачлал 46, 33 стандартад зааснаар хэрэглэгчээс дүүргэлт, шахалт, чанартай холбоотой мэдээлэл ирвэл тухайн шатахуун түгээж буй байгууллага газар дээр нь гомдлыг барагдуулах үүрэг хүлээсэн байдаг. Учир нь тухайн шатахуун түгээх станц шахалтыг үздэг багаж хэрэгсэлтэй тул газар дээр нь баталгааг нь үзүүлэх боломжтой.

Мөн шатахууны чанартай холбоотой гомдол мэдээлэл ирвэл хэрэглэгчдэд газар дээр нь зөөврийн лаборатори зэргийг ашиглан боломжтой байдлаар үзүүлэлтүүдийг гаргаж, хэрэглэгчийн гомдлыг барагдуулах үүрэгтэй.

Үүнээс гадна шатахуун түгээх станцаар борлуулагдаж буй шатахууны чанартай холбоотой мэдээллийг иргэдэд нээлттэй байршуулахыг заасан байдаг. Гэтэл одоогийн байдлаар шатахуун түгээх станцууд дурын иргэнд харагдахуйцаар шатахууныхаа чанартай холбоотой мэдээллийг тавихгүй байгаа аж.