БСШУС-ын сайд Ё.Баатарбилэг цаг үеийн асуудлаар мэдээлэл хийлээ.

Тэрбээр цэцэрлэгийн хүүхдүүдийн хичээлийн бэлтгэлийг намар хурааж авсан. 2020 оны нэгдүгээр улирлаас эхлэн цэцэрлэгүүд хичээллээгүй. Тиймээс хичээлийн бэлгэлд хурааж авсан эд зүйлийг энэ сард багтааж буцааж өгөх ёстой. Мөн их, дээд сургууль болон коллеж 2020-2021 оны хичээлийн жилийн баклаврын хөтөлбөрт элсэлт авна. Үндэсний хэмжээний босго оноог 480, төрийн бус 410, орон нутгийн 400 байхаар тогтоосон. Мөн сургуулийн удирдлагуудад 2020 оны хичээлийн улирлыг цахимаар явуулж дуусгах ёстой. Үүнд диплом хамгаалалт, курс дэвших зэрэг бүх шатлал хамаарна. 

Их, дээд сургуулийн консерциумаас санал ирсэн. Эндээс ирэх зургадугаар сард багтаан цахим хэлбэрээр төгсөлт зохион байгуулна гэсэн. Яамны зүгээс үүнийг хүлээж авсан. Гэхдээ оюутнуудын төгсөлтийн баяр, хонхны баяр зэргийг хийхийг хориглосон. Хэрвээ зөрчвөл хатуу хариуцлага хүлээлгэнэ. Сургуулиуд удирдлага энэ асуудлыг бүрэн хариуцахаа хүлээн зөвшөөрсөн. 

Дотуур байранд амьдардаг оюутнуудын эд хэрэгслийг энэ сардаа багтаан өөрт нь эсвэл итгэмжлэгдсэн төлөөлөгчид нь хүлээлгэж өгнө. 

Их, дээд сургуулиуд элсэлтийн шалгалтаа цахимаар нээлттэй, ил тод зохион байгуулна. Зарим их, дээд сургуулиуд дотуур байрны төлбөрөө буцааж олгож байгаа. Гэхдээ төгсөх курсийн оюутнуудыг эргүүлж өгөх, курс дэвших оюутнуудын төлбөрийг дараагийн хичээлийн жилд шилжүүлнэ. 12 дугаар ангийн хүүхдийн ЭЕШ-т бэлтгэх асуудлаар эцэг, эхчүүд санал асуулгад оролцсон. Санал асуулгаас танхимаар хичээллүүлэх санал гаргасан. Мөн 1000 гаруй төгсөгч хамрагдсан. Тэд ч ийм санал гаргасан. УОК-т үүнийг уламжилна. Хэрвээ ирэх тавдугаар сард цар тахлын нөхцөл байдал тогтвортой байвал танхимаар хичээллүүлэх асуудлыг судалж байна. Гэхдээ УОК-оос зөвшөөрвөл зөвхөн 12 дугаар ангийн хүүхдүүдийг хамруулна. 

Мөн сувилагчийн сургуульд суралцах оюутны төлбөрийг төрөөс даахаар болсон. Гэхдээ голч оноогоор шалгаруулна. 

12 дугаар ангийн сурагчдад үүрэн телефоны операторууд үнэгүй дататай дугаар олгоно. Учир нь телехичээл, онлайн сургалтаа давтах гэхээр санхүүгийн хүндрэл учирч байгаа учир төрийн ажлыг хувийн хэвшлийнхэн дэмжиж байна" гэлээ.