Эрүүл мэндийн яамнаас цаг үеийн асуудлаар мэдээлэл хийлээ. Мэдээллийн эхэнд ЭМЯ-ны хэлтсийн дарга Д.Нарангэрэл "Өнөөдрийн байдаар коронавирусний халдвар дэлхийн 2.5 сая хүн халдвар авч, 177 гаруй мянган хүн нас бараад байна.

Манай хойд хөрш ОХУ-д 5642 тохиолдол шинээр нэмэгдэж, 51 хүн нас бараад байна. Улмаар нийт  тохиолдлын тоо 53 мянга болжээ. Мөн Буриадад 163, Эрхүү хотод 68 тохиолдол нэмэгдлээ. Нийт тохиолдлын 3000 гаруй нь Москва хотод бүртгэгдсэн. Тиймээс тус хотод шинэ дэглэмийг мөрдүүлж байна. Тухайлбал, машин, нийтийн тээврээр зорчвол цахимаар бүртгүүлэх, томуу, томуу төст өвчний үед гэртээ 14 хоног тусгаарлах, өрөө тасалгаандаа тогтмол агаар сэлгэлт хийх, өөртөө тохирсон дасгал хөдөлгөөн хийх зөвлөгөө өгч байна. Түүнчлэн даралт ихсэх, зүрх судасны өвчтэй иргэд өртөж, амь насаа алдах эрсдэл их байгаа учраас үйлчилгээний газруудыг кофе, цайгаар үйлчлэхгүй байхыг анхааруулжээ. Манай улсын хувьд өнөөдрийн байдлаар тусгаарлах байранд 1222 хүн байна. Шинээр 38 хүн нэмэгдэж, 43 хүн гарсан" гэлээ.

А.Сүх