Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр П.Н.Шастины нэрэмжит гуравдугаар эмнэлгийн дарга Ц.Төмөр-Очир "Манай эмнэлэг өндөржүүлсэн бэлэн байдалд ажиллаж байна. Урьчилан сэргийлэх, хариу арга авах чиглэлээр бусад холбогдох байгууллагуудтай хамтарч ажиллаж байна. Нийт 44 удаагийн сургалт хийсэн. Давхардсан тоогоор 2400 орчим эмч, эмнэлгийн ажилтныг дадлагжуулсан.

Эмч, эмнэлгийн ажилтнуудын сэтгэл зүйг бэлтгэх тал дээр ажилаж байна.

Манай эмнэлэгт УОК болон ДЭМБ-аас өгсөн чиглэлийн дагуу зөвлөмж өгөн ажиллаж байна. Энэ дагууэрүүл мэндийн салбарынхан өндөржүүлсэн бэлэн байдалд ажиллаж байна. Гэтэл иргэд үүнийг үл тоож, доромжлох, хэл амаар дайрах зэрэг асуудал гарч байна. Ингэхээ болино уу. Тэд та бүхний төлөө амрах завгүй ажиллаж байгаа шүү.  Үүнийг иргэд ойлгохгүй байна. Эрүүл мэндийн салбарынхан иргэдийн эрүүл мэндийн төлөө ажиллаж байна.

Үүнийг ойлгож хүндэтгэхийг хүсье. 

Нөгөөтээгүүр, нэг үйлчлүүлэгчийг дагалдаж хамгийн багадаа гурав бүр 20 хүн ирэх тохиолдол байна. Ийм хариуцлагагүй үйлдэл гаргах нь нийгмийг аюулд оруулах эрсдэлтэй учир иргэн бүр дор бүрнээ ухамсартай байж, үүргээ биелүүлэх хэрэгтэй байна" гэлээ.