2019 оны 10 дугаар сарын 10-ны өдөр Эрдэнэс Монгол ХХК-ийн дэмжлэгтэйгээр компаний өөрийн хөрөнгө оруулалтаар “Вагнер Ази тоног төхөөрөмж” ХХК-аас худалдан авсан Катерпиллар фирмийн хөрс тээврийн автосомасвал, бульдозер тоног төхөөрөмжүүдийг хүлээн авах ёслолын үйл ажиллагаа боллоо.
Тус үйл ажиллагаанд “Багануур” ХК-ийн Төлөөлөн удирдах зөвлөлийн дарга Н.Лхагвабаатар, Гүйцэтгэх захирал Э.Номинчулуун,Тэргүүн дэд захирал Д.Түвшинжаргал, Үйлдвэр технологи эрхэлсэн дэд захиралН.Базарсүрэн, Техникийн асуудал эрхэлсэн дэд захирал П.Эрдэнэцогт, Санхүү, хөрөнгө оруулалт эрхэлсэн дэд захирал Д.Ганзориг, болон Захирлын зөвлөлийн гишүүдийн төлөөлөл, “Вагнер Ази Тоног Төхөөрөмж” ХХК-ийн Гүйцэтгэх захирал Kelvin Andrew Kaukinen, Худалдаа түрээсийн газрын захирал Э.Энхдэлгэр, Худалдааны төлөөлөгч Ц.Баяраа нар оролцлоо.
Ёслолын үйл ажиллагааны үеэр 2 талын удирдлагууд хамтын үйл ажиллагаанд сэтгэгдэл өндөр байгаагаа илэрхийлсэн юм. Шинэ тоног төхөөрөмж дээр ажиллах бульдозерчин Д.Цогтгэрэл даргатай САТ D9R №190 бульдозерийн бригад, оператор жолооч Ю.Өвөөсүрэн даргатай CAT-773Е №191 автосамосвалын бригад, оператор жолооч С.Энхбаатар даргатай САТ-777Е №192 автосамосвалын бригад, оператор жолооч, Д.Батбаяр даргатай САТ-777Е №193 автосамосвалын бригадын хамт олонд батламж, дурсгалын зүйл гардуулан хүндэтгэл үзүүллээ.
Технологийн авто машины засварын хэсэгт дээрхи шинэ тоног төхөөрөмжийн оношилгооны багаж хэрэгсэл, мөн мэргэжлийн сургалтанд хамрагдсан 16 операторт сургалтын сертификат гардуулах үйл ажиллагаанууд зохион байгуулагдлаа.
