ХӨСҮТ-ийн захирал Д.Нямхүү өнөөдөр мэдээлэл хийлээ. Тэрбээр "Энэ сарын 23-нд нийт 66 шинжилгээ хийсэн. Бүгдээс нь халдвар илэрээгүй. Нийт 30 хүнд давтан шинжилгээ хийхэд хариу сөрөг гарсан. Ачаа тээврийн 30 жолооч, тусгаарлалтад байгаа хүнээс шинжилгээ авсан. Харин сөрөг гарсан. Нэг оюутан эдгэрч эмнэлгээс гарч байна.

Токио Инн зочид буудалд ажиглалтад байсан хүн халуурсан учир ХӨСҮТ-д тусгаарласан. Хоёр оюутан эдгэрсэн. Нийт 40 хоног эмчилгээ хийлгэсэн. 

Энэ сарын 30-ний хооронд нэмэлт дархлаажуулалтын аян эхэлж байна. Дэлхий даяар 68 улсад 83 сая хүүхэд товлолын вакцинд хамрагдах боломжгүй болсон. Энэ нь улс орнууд хилээ хаасантай холбоотой. Тэгвэл манай улс вакцинаа бүрэн авч чадсан байсан. Энэ бүхнийг НҮБ-ын Хүүхдийн сангаас манай улсад вакцин өгдөг. Үүний буян юм шүү.

Улаанбурхан өвчнөөр 50 гаруй мянган хүүхэд өвдсөн. Энэ тоо бол маш өндөр тоо. Дархлаажуулалтын аянд бүх эцэг, эхчүүд идэвхтэй оролцоно уу. Учир нь цар тахлын үед халдварт саа, улаанбурханы дэгдэлт эрчимжих эрсдэл байна" гэлээ.