Солонгос улсад суугаа 1896 иргэн нутаг буцах хүсэлтээ Элчин сайдын яаманд хүргүүлжээ.  

Энэ сарын 22-ны 12.00 цагийн байдлаар Консулын хэлтэс нийт өргөдөл гаргасан иргэдийн 170 нь буюу есөн хувь өндөр настан, 397 нь буюу 21 хувь нь 0-18 насны хүүхэд, 84 нь буюу дөрвөн хувь жирэмсэн эх, 147 нь буюу найман хувь нь эрүүл мэндийн шалтгаантай иргэд, 53 нь буюу гурван хувь нь хөгжлийн бэрхшээлтэй иргэд, үлдсэн нь бусад хүндэтгэн үзэх шалтгаантай иргэд эзэлж байна.

Үүнээс гадна өршөөлийн аянд хамрагдсан 300 гаруй хууль бусаар амьдарч байгаа иргэд, мөн 60 орчим монгол иргэн түр саатуулах байранд байгаа тухай БНСУ-ын Хууль зүйн яамнаас ЭСЯ-нд мэдээлсэн. Засгийн газар онцгой байдлын үед гадаадад байгаа иргэдээ татан авах үйл ажиллагааны хүрээнд БНХАУ, БНСУ, Энэтхэг, ОХУ, Турк, Герман улсуудаас 8328 иргэдээ татан авсан. Одоо 46 улсад байгаа 10836 иргэн эх орондоо ирэх хүсэлтээ УОК-т ирүүлээд байна.

Харин БНСУ-аас өнгөрсөн гуравдугаар сарын 15, дөрөвдүгээр сарын 2, дөрөвдүгээр сарын 8, тавдугаар сарын 1-ний нийт дөрвөн удаагийн тусгай үүргийн нислэгээр 1038 иргэнээ татаж аваад байна.