ОХУ-аас эх орондоо ирэх хүсэлт гаргасан иргэдийг энэ сарын 26, 27-ны өдрүүдэд Сэлэнгэ аймгийн “Алтанбулаг” боомтоор татан авах ажиллагааг зохион байгуулж байна.
Үүнтэй холбогдуулан УОК-ын Шуурхай штабын дарга, ОБЕГ-ын дэд дарга, хурандаа Б.Ууганбаяраар ахлуулсан “Ажлын хэсэг” тус хилийн боомтод ажиллаж байгаа юм.
Өнөөдөр буюу 05 дугаар сарын 26-ны өдөр ОХУ-аас нийт 360 иргэнийг татан авах ажиллагааг зохион байгуулж, “Улаанбаатар төмөр зам”-ын тусгай үүргийн гал тэргээр Улаанбаатар хот руу зөөвөрлөх ажиллаагааг явуулж байна.
Эх орондоо ирсэн иргэдийн хувьд энэ хичээлийн жил дууссан Москва, Эрхүү, Улаан-Үд, Тува, Казань, Новосибирск зэрэг хотуудад суралцдаг оюутнууд юм.
Ташрамд дурдахад, УОК-ын Шуурхай штабаас энэ сарын 26-нд мэдээлэл хийхдээ “Энэ сарын 26, 27-нд Алтанбулаг боомтоор нийт 594 орчим оюутан хилээр орж ирнэ. Эдгээр оюутныг татан авсны дараа дараагийн татан авалтын хуваар гарна" гэж мэдэгдсэн билээ.