Шударга сонгуулийн төлөө иргэний нийгмийн хяналт сүлжээ УИХ-ын 2020 оны сонгуульд мониторинг хийжээ. Мониторингийн дүнгээс танилцуулж байна.

Энэ үеэр “Бодлогод залуусын хяналт” төрийн бус байгууллагын Удирдах зөвлөлийн гишүүн Т.Амарзаяа “Бид сонгууль бүрээр хөндлөнгийн ажиглагч бэлтгэн сонгуулийн үйл явцад хяналт тавьж, мониторинг хийдэг. Энэ удаагийн сонгуульд нийт 94 ажиглагч бэлдсэн. Үүнээс 70 ажиглагч үнэмлэхээ гардан аваад байна. Учир нь хэсгийн хороод дээр бүртгүүлэхээр очиход хуульд заагагүй бичиг баримт нэхэх, төрөөс гаргасан журам газар дээрээ зөрүүтэй байх нийтлэг хүндрэл гарч байна.

Хүндрэл тус бүрд СЕХ руу мэдэгдэж, хэсгүүдийн хороод руу яриулах талаар арга хэмжээ авсан. Энэ жилийн сонгуульд олон улсын ажиглагчид байхгүй учраас иргэний нийгмийн байгууллагад чухал үүрэг ирж байна.

Мөн сайн дурын ажиглагч нарыг сонгуулийн үеэр бүтэн байлгах, санал авах үйл явцыг баримтжуулах төхөөрөмж байлгахаар заасан ч баримтжуулах төхөөрөмж ашиглахгүй гэсэн шаардлагыг хэсгүүдийн хороод тавьж байна" гэлээ. 

А.Сүх