Ерөнхийлөгч Х.Баттулгын товлон зарласнаар УИХ-ын анхдугаар чуулган хуралдаж, гишүүд тангаргаа өргөсөн. Улмаар өмнө нь нийтээр тангараг уншдаг байсныг АТГ-ын даргын санаачилгаар өөрчилж гишүүн тус бүр нэг нэгээрээ улсын эрх ашгийн төлө ажиллахаа тангаргалсан нь энэ долоо хоногийн онцлох үйл явдал болов. Тэд төнгөргөөсөө няцвал хуулийн хариуцлага хүлээж, эгүүлэн татах заалттай.
Энэ удаад сонгогдсон парламентын гишүүд зөвхөн хууль тогтоох, санаачлах ажил дээрээ анхааарна. Мөн Ерөнхий сайд танхимын сайд нараа өөрөө бүрдүүлэхээрээ онцлог. Энэ долоо хоногт МАН Бага хурлаа хийж, Ерөнхий сайдаар У.Хүрэлсүхийг улираан томилохоор санал нэгдэж, өнгөрсөн пүрэв гарагийн чуулганаар хэлэлцэж баталсан. Одоо сайд нараар хэнийг сонгох вэ гэсэн асуулт олон нийтэд хүлээлт үүсгээд байна. Үүнтэй холбогдуулан өмнөх парламентын зарим гишүүд сайдаар томилогдох тухай албан бус мэдээлэл гарсан. Тэгвэл иргэдийн зүгээс сайдад тэтгэврийн биш мэргэжлийн Засгийн газар байх ёстойг цахим хуудсаараа дамжуулан захисан юм. Ингээд энэ долоо хоногт улстөрд болсон зарим онцлох үйл явдлуудыг тоймлон хүргэе.
Х.Баттулга: Гурван сая монголчуудын итгэлийг дааж ажиллаарай
Ерөнхийлөгч Х.Баттулга УИХ-ын чуулганы өнөөдрийн нэгдсэн хуралдаанаар томилогдсон Ерөнхий сайд У.Хүрэлсүхийг хүлээн авч уулзаад, Монгол Улсын Ерөнхий сайдаар улиран томилогдсонд нь баяр хүргэлээ.
Мөн эдийн засгийн байдал хүндэрсэн, хэцүү цаг үед Ерөнхий сайдаар томилогдож байгаа гээд, гурван сая монголчуудын итгэлийг дааж ажиллахыг захилаа.
https://www.24tsag.mn/a/183288
Гишүүдийн халдашгүй байдлыг Н.Энхболд дэнслэнэ
УИХ-ын дарга, Бүлгийн дарга нарыг сонгож, томилсон Анхдугаар чуулганы хуралдаанаар Байнгын хорооны бүрэлдэхүүнийг баталлаа. Одоо Байнгын хороод анхны хуралдаанаа хийж, даргаа сонгосноор УИХ-аар хэлэлцэж, батламжлах юм. Үүнээс гадна УИХ-ын Дэд хороодын дарга нарыг томилох учиртай.
Тэдгээрээс УИХ-ын гишүүний бүрэн эрхийг түдгэлзүүлэх эсэх асуудлыг хэлэлцдэг Дэд хороо нь Халдашгүй байдал.
2016-2020 оны парламентад тус хороог Хууль зүй, дотоод хэргийн сайд Ц.Нямдорж даргалж, Шадар сайд Ө.Энхтүвшин, Хөдөө, аж ахуй, хөнгөн үйлдвэрийн сайд Ч.Улаан, Батлан хамгаалахын сайд Н.Энхболд, УИХ-ын гишүүн асан Д.Лүндээжанцан нар бүрэлдэхүүнд нь багтдаг байсан юм. Харин энэ удаад уг Дэд хороог Батлан хамгаалахын сайд Н.Энхболд даргалах бололтой.
https://www.24tsag.mn/a/183259
Т.Доржханд: Дэд сайд, агентлагийн дарга нарын зөвлөхийг зоригтойгоор цомхотгоорой
УИХ-ын Анхдугаар чуулганаар Ерөнхий сайдаар У.Хүрэлсүхийг томилох асуудлыг хэлэлцэж байна. Энэ үеэр УИХ-ын гишүүн Т.Доржханд "Шинэ Үндсэн хуулийн хүрээнд ажиллахаар болсонд баяр хүргэе. Багаа өөрөө томилж, удирдах хариуцлагатай түүхэн цаг хугацаа гэж харж байна. Гурван зүйл захимаар байна. Нэгдүгээрт, Засгийн газрын бүтэц бүрэлдэхүүн цомхон чадварлаг байх ёстой.
Технологи, инновацийн яамыг байгуулж өгөөч. Хоёрдугаарт, нэгэнт өөрөө Засгийн газрыг байгуулж байгаагийн хувьд сайд нар нь мэргэжлийн баймаар байна. Бондын төлбөр, төсвийн алдагдалтай маш бэрхшээлтэй нөхцөлд Засгийн газраа байгуулах гэж байна. Хамгийн орхигдоод байгаа салбар нь Боловсрол, Эрүүл мэнд. Энэ хоёр салбарт мэргэжлийн зоригтой, ачаа үүрэх чадвартай залуусыг тавихыг хүсч байна.
https://www.24tsag.mn/a/183279
Өөрийгөө үгүйсгэсэн Ерөнхийлөгчийн цочир үг
Ерөнхийлөгч Х.Баттулга зарлиг гаргаж, Анхдугаар чуулганыг нээлээ. Чуулганыг нээж, тэрбээр үг хэлэхдээ хэд хэдэн эргэлзээ дагуулсан асуулт үлдээв. Нэгдүгээрт, УИХ-ын сонгуульд нэр дэвшсэн 606 хүнээс 27 нь 31 гэмт хэрэгт холбогдож хуулийн байгууллагаар шалгуулж байгааг дурдлаа. Мөн нэр дэвших эрхээ авсан ч, сонгуулийн сурталчилгаа хийх явцдаа шүүхийн шийдвэрээр цагдан хоригдсон зургаан хүнийг онцлов. Хоёрдугаарт, Сонгуулийн ерөнхий хорооны удирдлага 2009 оноос хойш солигдоогүй нь өнөөдрийн ялзрал, биеэ тоосон хандлага үүсгэснийг ярьсан юм. Эдгээр шалтгаанаас үүдэж Сонгуулийн ерөнхий хорооны удирдлага өргөдлөө өгч, огцрохыг Анхдугаар чуулганы индэрээс тэрбээр шаардав.
https://www.24tsag.mn/a/183212
Б.Энх-Амгалан: Ерөнхийлөгч сайдын суудал авахаар тохирсныг мэдэхгүй
-Их Хурлын анхдугаар чуулганыг Ерөнхийлөгч товлон зарлах ёстой. Үүнтэй холбогдуулан дөрвөн суудал горилсон. Тохиролцоонд хүрч чадахгүй байгаа гэсэн яриа гарсан. Танд энэ талаар мэдээлэл бий юу?
-Ерөнхийлөгч дөрвөн сайдын суудал авна гэсэн тохиролцоо хийсэн эсэх талаар ямар ч мэдээлэл байхгүй байна.
https://www.24tsag.mn/a/183189
У.Хүрэлсүх: Бид магтаалд умбаж болохгүй
Тусгаар тогтнолын ордонд МАН-ын Бага хурал үргэлжилж байна. Уг хурлаар дараагийн Ерөнхий сайдад нэр дэвшигчийг тодруулах юм. Энэ үеэр Ерөнхий сайд, МАН-ын дарга У.Хүрэлсүх гишүүдэд хандан “Бидэнд ард түмэн, намын олон мянган дэмжигчид итгэсээн. Ууган улс төрийн намд итгэлээ. Ялалт өнөөдрөөс үүрэг хариуцлагаар солигдож байна. Ирэх 4 жилд жаргалтайгаас илүү хүнд бэрхшээлтэй тулгарна. Түүнийг Ардын нам туулж, ард олноо авч гарна, амьдралыг өөд татна гэж даалгавар өглөө. Парламентад сууж буй намуудтай хамтарч ажиллах ёстой. Бид магтаалд умбаж болохгүй. Олон магтаал сонсож байна. Энэ бол үүрэг хариуцлага л гэсэн үг. Би шударга ажиллана” гэсэн байна.
https://www.24tsag.mn/a/183238
А.Сүх
Сэтгэгдэл (12)