Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр ХӨСҮТ-ийн захирал Д.Нямхүү "Энэ сарын 17-нд нийт 555 хүний сорьцонд шинжилгээ хийхэд 25 хүнээс халдвар илэрлээ. Энэ нь Афганистанаас ирсэн алба хаагчид. Нийт 113 дайчин эх орондоо ирснээс 53 алба хаагчаас халдвар ийн илэрлээ.

Ингээд Монгол Улсад батлагдсан тохиолдол 287 боллоо" гэлээ.

Түүнчлэн тарваган тахлын дуудлага нэмэгдэж буйг Зооноз өвчин судлалын төвөөс мэдээллээ. 

Тодруулбал, "Говь-Алтай аймагт 16 настай хүүхэд тарваганы мах идсэн. Бие байдал муудсан гэсэн дуудлага ирсэн учир мэргэжлийн баг ажилласан. Шинжилгээ сөрөг гарсан. 

Мөн Ховд аймагт зургаан настай хүүхэд үхсэн тарвагаар тоглосон. Биеэр нь юм туурсан, биеийн байдал тааруу гэсэн дуудлага ирсэн. Мэргэжлийн баг яаралтай арга хэмжээ авч шинжилгээ хийсэн. Хариу сөрөг гарсан.

Ховд аймгийн Цэцэг суманд нэг залууг хяналтад байлгаж, эмчилгээ хийж байна. Говь-Алтай аймагт нэг хүүхэд нас барсан. Гэтэл зэргэлдээ сумын иргэд тарвага агнасан үйлдэл тасралтгүй гарсаар байна. Хуриманд очсон хүмүүсийг тарваганы махаар дайлсан хэрэг гарсан. Хэрвээ халдвартай мах байсан бол олон нийтийг аюулд оруулах байлаа. Азаар тийм зүйл болсонгүй. Тиймээс ард иргэд ухамсартай байж, тарвага агнахгүй байх, тарваганы мах идэхгүй байхыг анхаарах хэрэгтэй" гэв.   

Г.Маргад