Засгийн газрын хэвлэл мэдээлэл, олон нийттэй харилцах хэлтсийн дарга Ц.Ганзориг “Ерөнхий боловсролын сургуулиудад хөл хорио тогтоохгүй. Харин сурагчдын өвлийн амралтыг наашлуулах тухай асуудлыг хэлэлцэж байгаа” гэх мэдээллийг “Монгол коммент” нэвтрүүлэгт утсаар шууд өгсөн билээ. Тэрбээр  “Ерөнхий боловсролын сургуулиудын сурагчдын өвлийн амралтыг арванхоёрдугаар сарын 15-наас болгож наашлуулахаар. Харин  нөхцөл байдал хүндэрвэл арванхоёрдугаар сарын 1-нээс амраах тухай ч яригдаж буй” гэсэн юм.

Засгийн газар, Улсын Онцгой комисс эл асуудлыг дотооддоо хэлэлцсэн бөгөөд эцсийн шийд хараахан гараагүйг дуулгая.

У.Тэргэл