Агаар бохирдуулагч эх үүсвэр ашиглагч иргэн, аж ахуйн нэгж байгууллагад Цагдаагийн Ерөнхий газар, Нийслэлийн Мэргэжлийн хяналтын газар хамтран Засгийн газрын 62 дугаар тогтоолыг хэрэгжүүлэх талаар урьдчилан сэргийлэх хяналт шалгалтыг хийжээ.

Шалгалтын үеэр энэ жилээс мидлинг түлэх тусгай зөвшөөрөл авсан “Дун Фан интернэйшнл трейд”, “Мөнхбаясах кэйсэнг”, “Хасумегаватт”, “Төгс бүтээмж”, “Эс Эс Си Монголиа фүүд”, “Стандарт шуудай”, тусгай зөвшөөрөлгүй үйл ажиллагаа эрхэлсэн “Сайле фүүд” ХХК гэсэн долоон аж ахуйн нэгж зөвшөөрөлгүйгээр түүхий нүүрс түлсэн зөрчил илрүүлжээ.

Эдгээр аж ахуйн нэгжийн өнжмөл 247,2 тонн түүхий нүүрсийг улсын /ахлах/ байцаагчийн актаар хураан авч, "Амгалан дулааны станц"-д төвлөрүүлсэн байна. Мөн агаар хамгаалах төхөөрөмж ажиллуулах журам зөрчсөн “Петранано”, “Амин хүнс”  гэсэн хоёр аж ахуйн нэгжид Зөрчлийн тухай хуулийн холбогдох заалтын дагуу торгуулийн арга хэмжээ авчээ.

Тиймээс иргэн та түүхий нүүрс түлж буй мэдээллийг НМХГ-ын 70128012 дугаарын утсанд өгч, агаарын бохирдлын эсрэг хамтдаа хүчээ нэгтгээрэй.