Эрүүл мэндийн яамны ээлжит мэдээллийн цагаар ХӨСҮТ-ийн захирал Д.Нямхүү  "Халдварын клиникт ажиглалтад байсан сувилагчаас халдвар илэрсэн. Эмч, сувилагчдын багийг 14 хоног эмчилгээ хийснийх нь дараа 14 хоног тусгаарлан ажиглаж, шинжилгээ авдаг.

Өөрөөр хэлбэл, тухайн сувилагчийн ажиглалт тусгаарлалтад байх хугацааны хяналтын шинжилгээнээс  коронавирус илэрсэн гэсэн үг” гэлээ. Манай улс дотооддоо халдвар тархсан анхны тохиолдол энэ болж байна. Тиймээс халдвар тархах өндөр эрсдэлтэй байгаа тул иргэдийг амны хаалтаа зүүж хэвшихийг холбогдох байгууллагуудаас сэрэмжлүүлсээр буй. Энэхүү явдалтай холбоотойгоор Улсын онцгой комисс маргааш 10.00 цагт шуурхай хуралдаан зарлан, ямар арга хэмжээ авах талаараа нухацтай хэлэлцэхээр болжээ. Шуурхай хуралдааны дүнг цаг тухайд нь танилцуулах болно.

У.Тэргэл