Сэлэнгэ аймаг дахь авто замын шалган нэвтрүүлэх Алтанбулаг боомтын үйл ажиллагааг түр зогсоогоод байгаа билээ.

Учир нь, ОХУ-тай хил залгаа тус боомтод нэвтэрч буй ачааны автомашинуудын жолооч нараас “Ковид-19”-ийн халдвар дараалан илрээд буй. Тухайлбал, 15 хоногт гэхэд л 14 хүнээс, зургаан хоногт зургаан жолоочоос илэрсэн билээ.

Зөвхөн сүүлчийн нэг сард гадаад, дотоодын 34 жолооч коронавирус тээн Монголд иржээ.  Тухайлбал, Монголын зургаа, ОХУ-ын 19, Беларусийн тав, Казахстаны нэг, Туркийн гурван иргэн байна. Эдгээрээс ОХУ-ын хоёр иргэн Монголд эмчлүүлэхээс татгалзсан тухай мэдээлэл байна.